Jihova vwẹ aghwanre rode vwọ kẹ Solomọn, ọ da je kẹ uphẹn rọ vwọ bọn uwevwin ẹga na, ẹkẹvuọvo ememerha na o de chukoku Jihova. Wọ da dia ọmiọvwọn, djefiotọ kẹ ọmọ wẹn oborẹ egọẹdjọ vwọ nẹrhẹ Solomọn chukoku Ọghẹnẹ. A ghare Uvie na kpo ẹkẹn ivẹ, erharhe ivie da nẹrhẹ orere na chukoku Jihova ji muomaphiyọ edjọẹgọ. Uvwre rẹ ọke nana, e mukpahen emraro buebun re fuevun kẹ Jihova, e de ji hwe ayen. Jezibẹl rọ dia aye rẹ ovie na da nẹrhẹ uvie rọhẹ ẹbẹre obenu rẹ ọnre na muomaphiyọ edjọẹgọ gangan. Ọnana ọke ọbrabra mamọ vwẹ ikuegbe rẹ ihwo rẹ Izrẹl. Ẹkẹvuọvo, idibo rẹ Jihova buebun je herọ re je fuevun usun rẹ ihwo rẹ Izrẹl na, ihwo kerẹ Ovie Jehoshafat vẹ ọmraro Ilaija.