Avwanre kpẹvwẹ owẹ rẹ wọ vwọ ghwọrọ ọke vwọ fuẹrẹn ibroshọ nana rere wọ sa nabọ vughe Iseri ri Jihova, riẹn oborẹ avwanre ruẹ, vẹ oborẹ ukoko avwanre wian wan. Avwanre vwo imuẹro nẹ ibroshọ nana chọn wẹ uko vwọ nabọ vughe avwanre kerẹ ihwo ri ruẹ ọhọre ri Jihova nonẹna. Avwanre jiriro kẹ wẹ nẹ wo rhe yono kpahen Ọghẹnẹ ọkieje, rere wọ vuẹ ihwo rẹ orua wẹn vẹ igbeyan wẹn obo wo yono na, ji kuomakugbe avwanre ọkieje vwevunrẹ emẹvwa avwanre.​—Hibru 10:23-25.

Rẹ erianriẹn wẹn kpahen Jihova vwo kpobarophiyọ ye, ku wọ cha riẹn nẹ o ghini vwo ẹguọnọ wẹn. Ọnana kọ nẹrhẹ wo ji se dje ẹguọnọ wẹn vwọ kẹ. (1 Jọn 4:8-10, 19) Ẹkẹvuọvo, mavọ wo se vwo dje ẹguọnọ kẹ Ọghẹnẹ vwevunrẹ akpeyeren ri kẹdẹ kẹdẹ wẹn? Diesorọ ọ vwọ dia emu erere siẹrẹ wọ da yọnrọn irhi rẹ Ọghẹnẹ? Die yen sa chọn wẹ uko vwo kuomakugbe avwanre vwo ru ọhọre rẹ Ọghẹnẹ? Ohwo ro yonuwe Baibol na sa chọn wẹ uko vwọ guọnọ ẹkpahọnphiyọ rẹ enọ nana rere wẹ vẹ orua wẹn sa vwọ “sẹro rẹ oma rẹ ovwan vwevunrẹ ẹguọnọ rẹ Ọghẹnẹ; hẹrhẹ . . . arhọ . . . ri bẹdẹ na.”​—Jud 21.

Wọ sa vwọ yan obaro vwẹ idjerhe rẹ uyota na ọkieje, avwanre durhie wẹ nẹ wo yono ọbe re se “Sẹro rẹ Oma rẹ Ovwan Vwẹ Evun rẹ Ẹguọnọ rẹ Ọghẹnẹ”