Mavọ Omavwerhovwẹn Sa Vwọ Dia Akpeyeren Rorua?
Wo rori nẹ . . .
-
ẹguọnọ?
-
igho?
-
orọnvwọn ọfa?
OBO RI BAIBOL NA TARE
“Ebruba kẹ ihwo ri nyo eta rẹ Ọghẹnẹ re da yọnrọn.”—Luk 11:28, Baibol Ofuanfon Na.
OBO RẸ ỌYENA SE MUDIAPHIYỌ KẸ WẸ
Uvi rẹ ẹguọnọ.—Ẹfesọs 5:28, 29.
Obọdẹn rẹ ọghọ.—Ẹfesọs 5:33.
Omamọ rẹ ofuvwegbe.—Mak 10:6-9.
AVWANRE GHINE SE SE OBO RI BAIBOL NA TARE GBUYOTA?
E, fikirẹ iroro ivẹ siẹrẹ e da hanvwen:
-
Ọghẹnẹ yen Ohwo rọ Ton akpeyeren rorua phiyọ. Baibol na tare nẹ ‘a vwẹ odẹ. . . ri Jihova Ọghẹnẹ vwo se korua korua’. (Ẹfesọs 3:14, 15) A vwọ ta vwẹ idjerhe ọfa ọrhuẹrẹphiyotọ rẹ orua herọ keridie Jihova vwiro mu. Diesorọ ọyena vwọ dia emu ra joka phiyọ?
Roro kpahọn: Siẹrẹ wọ da ria emu rọ vwerhere yen wọ guọnọ riẹn obo revwo chere, ono wọ cha nọ? Aphro herọ-ọ, wọ cha nọ ohwo ro chere emu na.
Vwẹ idjerhe ọvuọvo na, ra sa vwọ mrẹ obo re sa ghwa omavwerhovwẹn bru orua rhe, kẹ avwanre nọ mie Jihova, Ọ rọ ton ọrhuẹrẹphiyotọ rorua phiyọ.—Jẹnẹsis 2:18-24.
-
Ọghẹnẹ vwo ọdavwẹ wẹn. Ọyen emu aghwanre erua vwọ guọnọ odjekẹ ri Jihova, rẹ Ọ vwọ phia womarẹ Ota rọyen. Diesorọ? “Kidie ọye re vwẹ ẹro te we.” (1 Pita 5:6, 7) Jihova guọnọ obo ri me yovwin kẹ wẹ notọ r’ubiudu rhe—ọkieje yẹn uchebro rọyen vwọ gba!—Isẹ 3:5, 6; Aizaya 48:17, 18.
OBO RE RORO KPAHEN
Mavọ wọ sa vwọ dia omamọ rẹ ọshare, aye, yẹrẹ ọmiọvwọn?
Baibol na kpahenphiyọ onọ yena vwẹ ẸFESỌS 5:1, 2 kugbe KỌLOSE 3:18-21.
Wọ je sa Fuẹrẹn
Ẹkpahọnphiyọ rẹ Enọ rẹ Baibol Na
Die Yen Baibol na Ta Kpahen Orọnvwe?
Odjekẹ sansan rehẹ Baibol na je sa vwẹ ukẹcha kẹ ihwo re rọvwọnre vwọ kẹnoma kẹ yẹrẹ phi ebẹnbẹn kparobọ.
KPAHEN AVWANRE
Diesorọ E Vwo Yono Baibol Na?
Baibol na chọn iduduru rihwo uko vwọ mrẹ ẹkpahọnphiyọ rẹ enọ ri kpokpo ayen ẹwẹn nonẹna. Wọ guọnọ die ọvo usun rayen?
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
