ẸBẸRE 9
Orua na Eje Kuomakugbe Ga Jihova
“Gọ ohwo ro ma odjuvwu vẹ akpọ.”
Kirobo wo yonori vwẹ ibroshọ nana, Baibol na ghene vọn vẹ uchebro re sa vwẹ ukẹcha kẹ wẹ vẹ orua wẹn. Jihova guọnọre nẹ wo vwo omavwerhovwẹn. O veri nẹ, siẹrẹ wo de phi ẹga rọyen phiyẹ ẹdia ẹsosuọ, “kọ vwẹ emu na ejobi ba kẹ wẹ.” (Matiu 6:
1 BỌN OYERINKUGBE WẸN VẸ JIHOVA GAN
OBO RI BAIBOL NA TARE: “Ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.” (2 Kọrẹnt 6:
O ji fo nẹ wọ kerhọ rẹ Ọghẹnẹ, ọ ghwa dia ẹrhovwo-ẹnẹ ọvo-o. Wo se ru ọnana siẹrẹ wo de yono Ota Ọghẹnẹ vẹ ẹbe sansan revwo yono Baibol na. (Une Rẹ Ejiro 1:
Ravwọ vuẹ ihwoefa kpahen Jihova, ọyen idjerhe ọghanghanre ọfa ra sa vwọ bọn oyerinkugbe rẹ avwanre vẹ Jihova gan. Wo de ruẹ ọnana kọke kọke, wẹ vẹ ọyen ke cha kpẹkpẹ phiyọ.
OBO WO SE RU:
-
Vwo ọrhuẹrẹphiyotọ wo vwo se Baibol na je nẹrhovwo kẹdẹ kẹdẹ
-
E jẹ orua na vwẹ ẹga rẹ Ọghẹnẹ vwọ kobaro kẹ akpọẹriọ vẹ omaerovwon
2 RIAVWERHEN RẸ ẸGA ORUA WẸN
OBO RI BAIBOL NA TARE: “Si kẹrẹ Ọghẹnẹ, rere o si kẹre owẹ.” (Jems 4:8) Ofori nẹ ovwan vwo ọrhuẹrẹphiyotọ rẹ ẹga orua, ovwan ji yan mu ọrhuẹrẹphiyotọ yena. (Jẹnẹsis 18:19) Ẹkẹvuọvo, ọyena ọvo teri-i. E jẹ Ọghẹnẹ dia ẹbẹre ọvo rẹ akpeyeren wẹn. Wọ sa bọn oyerinkugbe rẹ orua wẹn vẹ Ọghẹnẹ gan ọke wọ da tota kpahọn, “siẹ wo de tidia vwẹ uwevwi wẹn vẹ ọke ru wọ da yan vwẹ idjerhe, vẹ ọke wo de shevwerhe totọ, kugbe ọke wo de vrẹn.” (Urhi Rivẹ 6:
OBO WO SE RU:
-
Vwo ọrhuẹrẹphiyotọ rẹ ovwan vwọ tota kpahen ọdavwẹ rẹ ohwo vuọvo vwevunrẹ orua na
