Ilẹta ro nẹ Obọ rẹ Ẹko Rọvwẹrote na Rhe
Iniọvo eghanghanre:
Kirobo rẹ ovwan riẹnre, Baibol na vọnre vẹ ikuegbe rẹ ihworakpọ. Ọ tota kpahen ihwo buebun ri fuevun, ri ji hirharoku ebẹnbẹn rẹ avwanre hirharokuẹ nonẹna. Ayen ihwo “kirobo rẹ avwanre epha na.” (Jems 5:
Kẹ a sa tanẹ ihwo tiọyena kpairoro vrẹ Jihova kare kare? Ẹjo. Buebun rayen họhọ ọbuine na rọ nẹrhovwo nẹ: “Mi ghwruru kerẹ ogegede ro ghwruru; guọnọ odibo wẹn, kidie irhi wẹn chọrọ ovwẹ ẹro-o.” (Une Rẹ Ejiro 119:176) Iroro tiọyena ji rhe we?
Jihova cha sa kpairoro vrẹ idibo rọyen ri bo ghwru-u. Ukperẹ ọtiọyen, ọ vwẹ idibo rọyen efa vwo se ayen te oma. Kerẹ udje, roro kpahen ukẹcha rẹ Jihova vwọ kẹ odibo rọyen Job, ọke rọ vwọ rioja rẹ ebẹnbẹn sansan kerẹ, efe rọyen ri ghwru vabọ, ihwo ro vwo ẹguọnọ kpahen ri ghwuru, vẹ ọga ro muro. Job ji chirakon rẹ erharhe eta rẹ igbeyan rọyen ta kẹ. Dede nẹ Job ke vwo iroro rọ chọre, o chukoku Jihova-a. (Job 1:
Jihova vwẹ ukẹcha vwọ kẹ Job womarẹ Elihu. Elihu nabọ kerhọ, ọke rẹ Job vwọ ta ẹwẹn rọyen kẹ. Die yen ọ kpahen kẹ? Eta rẹ ophọphọvwe vẹ ekan ọyen ọ vwọ kpọvi? O niro nẹ o yovwin vrẹ Job? Kakaka! Ẹwẹn ọfuanfon rẹ Ọghẹnẹ de mu Elihu vwọ ta: “Nighe, me herọ vwẹ obaro rẹ Ọghẹnẹ kirobo ru wọ epha, ubro rẹ ẹma a je vwọ ma vwẹ rhe.” O de phiuduphiyọ Job awọ: “Nighe, wo jẹ oshọ mẹ mu we-e; okeke mẹ cha họhọ nọ kẹ wẹ-ẹ.” (Job 33:
Biko, wọ me riẹn nẹ ẹwẹn tiọyena yin ji mu avwanre vwo si ibroshọ nana. Ẹsosuọ, avwanre nabọ kerhọ ji roro kpahen ẹdia rẹ ihwo evo ri bo ghwru hepha. (Isẹ 18:13) Avwanre nẹrhovwo, ji ru ehiahiẹ kpahen ukẹcha rẹ Jihova vwọ kẹ idibo rọyen, ri hirharoku ẹdia tiọyena vwẹ ọke awanre. Ukuotọ rọyen, avwanre da reyọ ikuegbe ri Baibol vwọba ikuegbe rẹ obo re rhiẹromrẹ asaọkiephana, vwo si ibroshọ nana. Avwanre jiriro kẹ wẹ nẹ wo se ibroshọ nana. Biko rhiabọreyọ ẹguọnọ rẹ avwanre.
Ẹko Rọvwẹrote Iruo rẹIseri riJihova
Wọ je sa Fuẹrẹn
ENỌ REDJE ẸNẸNỌ
Die yen Ẹko Rọvwẹrote iruo rẹ Iseri ri Jihova?
Iniọvo rehẹ ẹko nana yen suẹn ukoko na?
