ẸBẸRE 1
“Ke Me Guọnọ i ri Ghwruru”
Ogegede na bo ghwru. Ọke rọvwọ ria ẹbe, ọyen ọ vwọ yanjẹ igegede ri chekọ vwo. Asaọkiephana ọ rha mrẹ igegede ri chekọ na vẹ osuigegede na-a. Ọke joma she re. Ogegede na vwo bo vwẹ iyara na, eranvwe re djoma sa riọ, kidie osuigegede na hẹ etiyi-in. Ukuotọ rọyen, ko rhi nyo urhuru rẹ osuigegede na, osuigegede na da djẹ bro ra, ọ da vwẹ ewun rọyen vwọ pharọ, o de muo kpo.
ỌKE buebun yen Jihova vwọ vwẹ oma rọyen vwo dje oka rẹ osuigegede tiọyena. Ọ kẹ avwanre imwẹro vwẹ Baibol na nẹ: “Ekpuyovwin mẹ ọvo kọyen re guọnọ ayen phia.”
“Igodẹ rẹ Egbri Mẹ”
Amono yen igodẹ ri Jihova? Enana ihwo ri vwo ẹguọnọ ri Jihova, re je ga. Baibol na tare nẹ: “E jẹn avwanre ga re e shiguẹ kẹ, jẹn avwanre shiguẹ vwẹ obaro rẹ Ọrovwohwo, Ọ rọ ma avwanre! Kidie ọyen Ọghẹnẹ rẹ avwanre, avwanre ke rha ihwo rẹ egbri rọyen kugbe igegede rẹ obọ rọyen.” (Une Rẹ Ejiro 95:
Wo rori nẹ Jihova jẹ Osun wẹn? Idjerhe vọ yen Jihova vwọ dia Osuigegede nonẹna? E jẹ e dje kpahen idjerhe erha:
Ọ vwẹ Ota rọyen vwọ ghẹrẹ avwanre. “Ke me vwẹ omamọ rẹ egbri ghẹrẹ ayen,” eriyin Jihova tare. “Etiyin ayen de che shevwerhẹ vwẹ omamọ rẹ otọ rẹ egbri, vwẹ enu rẹ egbri gbodo gbodo.” (Izikiẹl 34:14) Kọke kọke yen Jihova vwọ vwẹ eta rọyen vwọ ghẹrẹ avwanre vwẹ ọke ro fori. Wọ sa karophiyọ ota yẹrẹ ividio ọvo rọ kpahen phiyọ ẹrhovwo wẹn? Ọyena rha kẹ wẹ imuẹro nẹ Jihova vwẹrote we?
Ọ sẹro avwanre, ọ je vwẹ ukẹcha kẹ avwanre. Jihova tare nẹ: “Ke me guọnọ i ri ghwruru, e rẹ awọ rayen vwirhirin ke me gba ayen, e rẹ oma rhọ ke me kẹ ayen ogangan.” (Izikiẹl 34:16) Jihova reyọ ọbọngan vwọ kẹ ihwo rẹ ẹwẹn rayen kuọrọnre vẹ ihwo re vwiẹrẹre. Jihova sivwin igodẹ rọyen ri wonma, ọ da tobọ dianẹ iniọvo rayen yen wan ayen oma. O siẹ ihwo ri bo ghwru te oma, kugbe ihwo ri nene iroro ọchọchọ muabọ.
O mu oghwa rẹ avwanre. “Ki mi sivwin ayen nẹ asan ejobi rẹ ayen hrabọ ra,” eriyin Jihova tare. “Ke me guọnọ i ri ghwruru.” (Izikiẹl 34:
Vwọkẹ Jihova, ogegede ro bo ghwru, sa rhoma rhivwin rhe. Oma vwerhọn siẹrẹ ọ da mrẹ ogegede yena
“Ru Ẹdẹ rẹ Avwanre Ọkpokpọ Kerẹ Ọke rẹ Awanre”
Diesorọ Jihova vwo durhiuwe nẹ wo rhivwin bro rhe? Keridie ọ guọnọre nẹ oma vwerhen owẹ. Jihova veri nẹ, ọyen che ku “eghwẹghwẹ rẹ osio rẹ ebruphiyọ,” ku igegede rọyen. (Izikiẹl 34:26) Ọyena diẹ uve ghevweghe-e. Wọ mrẹ orugba rẹ eta nana jovwo re.
Karophiyọ ọke ẹsosuọ wo vwo yono kpahen Jihova. Mavọ oma ru we ọke ẹsosuọ rẹ wo vwo yono kpahen odẹ rẹ Ọghẹnẹ kugbe ọhọre rọyen vwọ kẹ ihworakpọ? Wọ karophiyọ obo rẹ oma vwerhen owẹ te wo vwo kuomakugbe iniọvo wẹn vwẹ emẹvwa kugbe eghwẹkoko? Ọke wo vwo ghwoghwo ota kẹ ohwo ro djẹ omavwerhovwẹn phia, oma vwerhen owẹ wo vwo rhivwẹn kpo?
Wọ sa rhoma mrẹ aghọghọ yena. Idibo Ọghẹnẹ rẹ ọke awanre nẹrhovwo nẹ, “Se avwanre te oma wẹn E Ọrovwohwo, rere avwanre si kẹre owẹ. Ru ẹdẹ rẹ avwanre ọkpokpọ kerẹ ọke rẹ awanre.” (Uvwerhe 5:
Revwo rhivwin bru Jihova rhe, ghwa lọhọ-ọ. Ẹkẹvuọvo, e jẹ e roro kpahen egbabọse evo re herọ kugbe obo wo se vwo phi ayen kparobọ.
Wọ je sa Fuẹrẹn
DOCUMENTARIES
Iseri ri Jihova—Esegbuyota ro Ruiruo, Ẹbẹre 1: Ayen Vrẹn nẹ Ebri Rhe
Ọnana ikuegbe rẹ ihwo ri muegbe ri vwo yeren akpọ nene uyota rehẹ Baibol na, o toro omukpahen rẹ ayen hirharoku-u. Udje rayen cha chọn wẹ uko vwọ fuevun ga Ọghẹnẹ ọkieje.
