‛Ọvwuvunmwemwu na yin suẹn akpọ na eje.’​—⁠1 Jọn 5:​19.

“Fiki rẹ ọnana ọye Ọmọ rẹ Ọghẹnẹ vwọ rhe rere ọvwọ . . . guọghọ iruo rẹ idẹbono.”​—⁠1 Jọn 3:​8, Baibol Ofuanfon Na.

Iroro ro dje ebẹnbẹn rẹ akpọ na fiotọ.​—⁠Ẹvwọphia 12:⁠12.

Obo re nẹrhẹ avwanre vwo imwẹro nẹ akpọ ravwanre che yovwinphiyọ.​—⁠1 Jọn 2:​17.

E, fikirẹ iroro erha siẹrẹ e da hanvwen:

• Oghwọrọ hẹrhẹ usuon r’Eshu. Jihova brorhiẹn kokoroko rọvwọ vwẹ usuon rẹ Eshu suẹn ihworakpọ vwo toba. O veri nẹ ọyen cha “ọ vwọ guọghọ . . . idẹbono,” rovwo siẹ umiovwo rẹ Eshu soro no phrẹphrẹphrẹ.​—⁠Hibru 2:​14, Baibol Ofuanfon Na.

• Ọghẹnẹ vwi Jesu Kristi mu rovwo sun akpọ na. Jesu ọyen obọdẹn rẹ ohwo rọ fẹnẹ ọrosuẹn akpọ nana rọ vọnre vẹ ọkon kugbe ojevwe romobọ. Vwọ kpahen usuon ri Jesu, Ọghẹnẹ de vuve: ‘O che gbarodọvwẹn kẹ ọ rakpọ bẹn kugbe ovwiogbere . . . O che sivwin arhọ rayen vwo nẹ oshenyẹ vẹ ozighi.’​—⁠Une Rẹ Ejiro 72:​13, 14.

• Ọghẹnẹ sa vwọrọn ofia-an. Baibol na tare phephẹn: “Ọghẹnẹ dia ohwo, rọ vwọrọ ofia-an.” (Ukeri 23:​19) Jihova de ve nẹ ọyen che ru orọvwọn, vwo imwẹro nẹ o che je ruo-o! (Aizaya 55:​10, 11) ‘Osun rakpọ nana a cha djẹ vwo no.’​—⁠Jọn 12:⁠31.