WỌ KỌRỌ apo rọ nabọ vware vwo nẹ urhe rọyen rhe. Wo de sẹ ọrhe rọyen reyọ, tavwen wo ki phio phiyọ obere wẹn. Wọ wian inọke buebun re, jẹ oma ji ru we nẹ wọ je wian. Oni wẹn, ihwo rẹ orua wẹn efa kugbe igbeyan rẹ ovwan je kọrọ vwẹ urhe ọvo rọ kẹrẹ owẹ, jẹ ayen eje gbikun kuẹgbe vẹ omavwerhovwẹn. Oni wẹn nabọ vwo oma rẹ eghene kirobo rọ hepha ọke wọ vwọ hẹ omotete ikpe buebun re wanre. O gbewunu nẹ ọnana oni wẹn rọ ghworo mamọ vwẹ akpọ rọ wanre na. Wọ mrẹrẹ ọke rọ vwọ muọga, wọ yọnrọn obọ rọyen ọke ro vwo fuẹwẹn, wọ da je viẹ gangan ọke re vwo sho. Asaọkiephana, o vrẹnushi re, o ji vwo omakpokpọ re, ọtiọyen ji te ihwo efa buebun.

Avwanre riẹnre nẹ ọke yena cha rhe. Avwanre vwo imuẹro nana kidie ive rẹ Ọghẹnẹ shefia-a. Vwẹ ẹbẹre nana, a cha fuẹrẹn ive rẹ Uvie na evo ri che rugba kẹrẹkpẹ tavwen e ki phi ofovwin rẹ Amagidọn. A je cha fuẹrẹn ive rẹ Uvie na efa ri che rugba e de phi ofovwin rẹ Amagidọn nu. Avwanre rhẹro rẹ ọke rẹ Uvie rẹ Ọghẹnẹ che vwo sun akpọneje, ji ru emu eje phiyọ ọkpokpọ!