APẸNDIS B
Ofori nẹ Wọ Dobọ rẹ Otaẹtakuẹgbe na Ji?
Siẹrẹ ohwo da nọ onọ kpahen orọnvwọn ro ghwe vwo ẹruọ rọye-en yẹrẹ ta ọdavwẹ rọyen kẹ avwanre, oma vwerhen avwanre a vẹ ọyen vwọ ta ota kpobarophiyọ. Avwanre guọnọ nene ihwo “ri vwo omamọ ẹwẹn rẹ ayen vwọ dia idjerhe ro suẹn [ohwo] kpo arhọ ri bẹdi bẹdẹ” na ta ota.—Iruo rẹ Iyinkọn Na 13:48.
Kọ da rha dianẹ ohwo na muophu, guọnọ phraphro, yẹrẹ ọ guọnọ ta ota vwẹ ọke yena-a vwo? Vwẹ ẹwẹn ri dẹndẹn vẹ ọghọ vwọ dobọ rẹ otaẹtakuẹgbe na ji. (Isẹ 17:14) Davwen wo nẹ etiyin vwọrẹ ufuoma rere ohwo na se vwo vwo ẹwẹn rọ vwọ kerhọ avwanre vwẹ ọke ọfa.—1Pi 2:12.