A VWỌ YANMUẸ OHWO NA
UYONO 7
Vwo Erhiorin
Odjekẹ ri Baibol: “Ayen vwo yono ihwo vwọrẹ jẹ obọ ẹdajo, ji ghwoghwo iyẹnrẹn esiri . . . na.”—Iruo rẹ Iyinkọn Na 5:42.
Obo ri Pọl Ruru
1. Ni IVIDIO na, yẹrẹ se Iruo rẹ Iyinkọn Na 19:8-10, rere ovwan ta ota kpahen enọ ri nenire:
Die Yen Avwanre Yono Mie Pọl?
2. Ofori nẹ a nabọ ghwọrọ ọke vẹ ẹgba vwo vwo orhivwinbrura rọ ghwotọ je ton uyono ri Baibol phiyọ.
Vwẹrokere Pọl
3. Bru ohwo na ra vwẹ ọke ro shephiyọ kẹ. Nọ oma wẹn: ‘Ọke vẹ asan vọ yen me shephiyọ mi se vwo rhivwin bro ra? Ọke vọ yen ọ cha vwọ mrẹ uphẹn mẹ vẹ ọyen vwo yono?’ Davwẹngba vwọ yanmuo, ọ da tobọ dianẹ ọke na shephiyọ kẹ wẹ-ẹ.
4. Ovwan rhuẹrẹ ọke phiyọ. Vwẹ okuphiyọ rẹ uyono ọvuọvo, davwẹngba vwọ riẹn mie ohwo na ọke rẹ ovwan vwọ rhoma ta ota. Wọ me yanmu ọke rẹ ovwan rhuẹrẹphiyọ na.
5. Vwo omamọ rẹ ẹwẹn kpahen ohwo na. Wo brokpakpa roro nẹ ohwo na guọnọ kerhọ-ọ, kidie nẹ ọ mrẹ uphẹ-ẹn yẹrẹ a fobọ mrẹ vwẹ uwevwi-in. (1Kọ 13: 4, 7) Ukperẹ ọtiọyen, davwẹngba vwo rhivwin bru ohwo na ra, ẹkẹvuọvo, vwo imuẹro nẹ wọ reyọ ọke wẹn vwo ruiruo vwẹ idjerhe rẹ aghwanre.—1Kọ 9:26.
