UYONO 01
Mavọ Yen Baibol na sa Vwọ Chọn Wẹ Uko?
Avwanre eje vwo enọ sansan kpahen akpeyeren, ojaẹriọ, ughwu, kugbe obaro na. Avwanre ji roro kpahen edavwẹ ri kẹdẹ kẹdẹ, kerẹ obo ra sa vwọ mrẹ igho yẹrẹ obo re se vwo vwo omavwerhovwẹn vwevunrẹ orua. Ihwo buebun mrẹvughe nẹ Baibol na sa chọn ayen uko vwọ mrẹ ẹkpahọnphiyọ rẹ enọ ri shekpahen akpeyeren ji te omamọ uchebro ra guọnọre kẹdẹ kẹdẹ. Wo rorori nẹ Baibol na sa vwẹ ukẹcha kẹ ohwo ọvo wo vugheri?
1. Erhọ yen enọ evo rẹ Baibol na kpahenphiyọ?
Baibol na kpahenphiyọ enọ eghanghanre nana: Mavọ yen arhọ tonphiyọ wan? Diesorọ avwanre vwọ hẹ akpọ na? Diesorọ ihwo vwọ rioja? Die yen phia siẹrẹ ohwo de ghwu? Ọ da dianẹ ihwo eje guọnọ ufuoma, kẹ diesorọ ofovwin vwọ vọn asan eje? Die yen cha phia kẹ akpọ na vwẹ obaro na? Baibol na jiriro nẹ avwanre guọnọ ẹkpahọnphiyọ rẹ enọ nana, ẹkpahọnphiyọ nana rẹ iduduru rẹ ihwo mrẹre kẹ ayen omavwerhovwẹn.
2. Mavọ yen Baibol na sa vwọ chọn avwanre uko vwọ riavwerhen rẹ akpeyeren kẹdẹ kẹdẹ?
Baibol na vọnre vẹ omamọ rẹ uchebro. Kerẹ udje, o yono orua oborẹ ayen se vwo vwo omavwerhovwẹn. Ọ vuẹ avwanre obo re se vwo yerin ghene ọdjorho vẹ obo ra sa vwọ riavwerhen rẹ iruo rẹ avwanre. E vwo yono ọbe nana kuẹgbe na, wọ cha mrẹ oborẹ Baibol na yonori kpahen eta nana vẹ efa. Wọ cha rhe mrẹ nẹ “Ọbe ọfuanfon na ejobi [kemu kemu rọhẹ Baibol na] . . . vọnre vẹ erere.”—2 Timoti 3:16.
Ọbe nana reyọ ẹdia rẹ Baibol na-a. Ukperẹ ọtiọyen, ọ cha nẹrhẹ wọ fuẹrẹn Baibol na komobọ. Ọtiọyena, avwanre jiriro kẹ wẹ nẹ wo se ẹkpo ri Baibol rehẹ evun rọyen, wọ reyọ ayen vwọ vwanvwe obo wo yono na.
HIẸ KODO
Yono kpahen oborẹ Baibol na vwọ chọn ihwo uko wan re, oborẹ wọ sa vwọ riavwerhen rẹ isese rọyen, kugbe oboresorọ o vwo fo nẹ wọ guọnọ ukẹcha wo se vwo vwo ẹruọ rọyen.
3. Baibol na se sun avwanre
Baibol na pha kerẹ urhukpẹ rọ la mamọ. Baibol na sa chọn avwanre uko vwo bru omamọ orhiẹn, ọ je sa nẹrhẹ a riẹn obo re cha vwẹ obaro na.
Se Une Rẹ Ejiro 119:105, ovwan ta ota kpahen enọ nana:
-
Ẹro vọ yen ọbuine nana vwo ni Baibol na?
-
Ẹro vọ yen wo vwo ni Baibol na?
4. Baibol na sa kpahenphiyọ enọ rẹ avwanre
Aye ọvo mrẹvughe nẹ Baibol na kpahenphiyọ enọ ri kpokpo ẹwẹn rọyen vwẹ ikpe buebun re. Hworo IVIDIO na, ovwan ta ota kpahen enọ ri nenire.
-
Vwevunrẹ ividio na, enọ vọ yen kpokpo aye nana ẹwẹn?
-
Mavọ yen eyono ri Baibol na vwọ vwẹ ukẹcha kẹ?
Baibol na vuẹ avwanre nẹ a nọ enọ. Se Matiu 7:7, ovwan ta ota kpahen ẹkpo nana:
-
Enọ vọ yen kpokpo uwe ẹwẹn rẹ Baibol na sa kpahenphiyọ?
5. Wọ sa riavwerhen rẹ isese ri Baibol na
Ihwo buebun riavwerhen rẹ isese ri Baibol na, ayen je mrẹ erere no cha. Hworo IVIDIO na, ovwan ta ota kpahen enọ ri nenire.
-
Vwevunrẹ ividio na, ẹro vọ yen ighene na vwo ni ẹbe ese?
-
Diesorọ ẹro ayen vwo ni isese ri Baibol vwọ fẹnẹ enẹna?
Baibol na sa kẹ avwanre uchebro vẹ iphiẹrophiyọ. Se Rom 15:4, ovwan ta ota kpahen onọ nana:
-
Ive ri Baibol na ro shekpahen uchebro vẹ iphiẹrophiyọ kẹ wẹ omavwerhovwẹn?
6. Ihwo efa sa chọn avwanre uko vwo vwo ẹruọ ri Baibol na
Vwọ vrẹ e di vwo se Baibol na komobọ, ihwo buebun rhe mrẹvughe nẹ ayen de nene ihwo efa ta ota kpahọn ọyen me fierere. Se Iruo Rẹ Iyinkọn Na 8:26-31, ovwan ta ota kpahen onọ nana:
-
Mavọ yen e se vwo vwo ẹruọ ri Baibol na?—Ni awọ 30 vẹ 31.
Ọshare rẹ Etiopia na guọnọ ukẹcha rere o se vwo vwo ẹruọ rẹ Isiesi Ọfuanfon na. Nonẹna, ihwo buebun mrẹ erere siẹrẹ ayen vẹ ihwo efa de yono Baibol na kuẹgbe
IHWO EVO TA: “E vwo yono Baibol na ọyen ọke ẹghwọrọ.”
-
Die wọ cha ta? Kẹ, diesorọ wọ cha vwọ ta ọtiọyen?
ỌDJẸKOKO
Baibol na vọnre vẹ uchebro, ọ kpahenphiyọ enọ eghanghanre, ọ je vwẹ ọbọngan vẹ iphiẹrophiyọ vwọ kẹ ihwo.
Ẹrhomafuẹrẹn
-
Oka rẹ uchebro vọ yen a sa mrẹ vwẹ Baibol na?
-
Erhọ yen enọ evo rẹ Baibol na kpahenphiyọ?
-
Die wọ guọnọ yono vwẹ Baibol na?
HIẸ GUỌNỌ
Mrẹ oborẹ uchebro ri Baibol na sa vwọ chọn avwanre uko nonẹna.
“Iyono rẹ Baibol—Aghwanre ri Kpo Awanre-e” (Uwevwin Orhẹrẹ Ukeri 1 2018)
Mrẹ oborẹ Baibol na vwẹ ukẹcha kẹ ọshare ọvo rọ vẹ iroro sansan gbe muabọ vwo nẹ ọkiemo rhe.
Fuẹrẹn uchebro ri Baibol na vwọphia kpahen akpeyeren rẹ orua.
“Erọnvwọn 12 re sa Nẹrhẹ Orua Phikparobọ” (Awake! Ukeri 2 2018)
Ihwo buebun vwo iroro ọchọchọ kpahen ohwo ro ghini sun akpọ na, yono kpahen oborẹ Baibol na vwọ kpọ iroro nana vi.
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
