UYONO 06
Mavọ Yen Arhọ Tonphiyọ Wan?
“Obọ [rẹ Ọghẹnẹ] ọye ogbugbu rẹ arhọ epha.” (Une Rẹ Ejiro 36:9) Ọyena muwẹro? Ihwo evo roro nẹ arhọ mu varhe. Ọ da dia ọtiọyen, kọyen avwanre rhe akpọ na kpregede. Ẹkẹvuọvo, ọ da dianẹ Jihova Ọghẹnẹ yen ma arhọ, kọyen o vwo oboresorọ ọ vwọ ma, gbanẹ ọ dia ọtiọyen? a Fuẹrẹn oborẹ Baibol na ta kpahen oborẹ arhọ tonphiyọ wan vẹ oboresorọ ota yena se vwo mu ohwo ẹro.
1. Mavọ yen akpọ na vẹ ophephe na tonphiyọ wan?
Baibol na da ta: “Nẹ otọ rhe Ọghẹnẹ vwọ ma odjuvwu vẹ akpọ.” (Jẹnẹsis 1:1) Egbaerianriẹn buebun rhọnvwere nẹ akpọ na vwo ọtonphiyọ. Mavọ yen Ọghẹnẹ vwọ ma? Ọ vwẹ “ẹgba” rọyen, kọyen ẹwẹn ọfuanfon rọyen vwọ ma kemu kemu rọhẹ akpọ na, ji te ekrun rẹ isio na, kugbe iplanẹti efa re je herọ.—Jẹnẹsis 1:2.
2. Diesorọ Ọghẹnẹ vwọ ma akpọ na?
Jihova “rọ marọ [kọyen akpọ na] . . . ọ vwẹ ozighi ma-a, o marọ ra vwọ dia.” (Aizaya 45:18) Ọ ma akpọ na yoyovwin vwọ kẹ ihworakpọ, ọ je guọnọ nẹ ayen dia evun rọyen bẹdẹ. (Se Aizaya 40:28; 42:5.) Egbaerianriẹn djere nẹ a ma akpọ na vwẹ idjerhe oghẹresan. O vwo asan ọfa rẹ arhọ hepha vwọ vrẹ akpọ nana-a.
3. Die yen nẹrhẹ ihworakpọ fẹnẹ eranvwe?
Jihova vwọ ma akpọ na nu, ọ da ma arhọ phiyọ. Ẹsosuọ, ọ ma ekankọn vẹ eranvwe phiyọ. Ọyena vwọ wan nu, “Ọghẹnẹ da ma ohwo vwẹ oma rọye.” (Se Jẹnẹsis 1:27.) Die yen nẹrhẹ ihworakpọ fẹnẹ? Ọ vwọ dianẹ a ma avwanre vwẹ uhoho rẹ Ọghẹnẹ na, avwanre ke sa vwẹrokere iruemu rọyen, kerẹ ẹguọnọ vẹ orhiẹn rẹ abavo. Ọ ma avwanre vẹ ẹgba re vwo yono ejajẹ, vwo vwo oniso rẹ erọnvwọn iyoyovwin, je riavwerhen rẹ ine. Vwọ fẹnẹ eranvwe, avwanre sa ga Ọmemama na.
HIẸ KODO
Fuẹrẹn erọnvwọn sansan ri djerephia nẹ a ma arhọ vẹ oboresorọ ikuegbe rẹ emama rọhẹ Baibol na se vwo mu ohwo ẹro. Yono kpahen oborẹ iruemu rẹ ihworakpọ yono avwanre kpahen Ọghẹnẹ.
4. A ma arhọ
E jiri ihworakpọ fikirẹ erọnvwọn rẹ ayen ni emama vwo ru. Kẹ ono yen fo ujiri vwọ kẹ emama na? Hworo IVIDIO na, ovwan ta ota kpahen onọ ro nenire.
-
Die yen ewena ruru vwo nẹ oborẹ ayen mrẹre vwẹ emama?
Ohwo yen bọn uwevwin. Kẹ ono yen ma emama na? Se Hibru 3:4, ovwan ta ota kpahen enọ nana:
-
Die yen gbewunu vwẹ oma rẹ emama?
-
Ofori nẹ e vwo imuẹro nẹ a ma akpọ na vẹ kemu kemu rọhẹ evun rọyen? Kẹ, diesorọ?
Wọ riẹnre jovwo?
Wọ sa mrẹ iyovwinreta vẹ ividio sansan ri shekpahen ota nana vwẹ jw.org vwẹ uyovwinrota na “A Marọ?” kugbe “rẹ ihwo vwo ni Ọtonphiyọ rẹ Arhọ.”
“Kidie uwevwi kuwevwi ohwo re bọn, ẹkẹvuọvo ọbọn ebabọn rẹ emu ejobi ọye hẹ Ọghẹnẹ”
5. Ikuegbe rẹ emama rọhẹ Baibol na muẹro
Vwẹ Jẹnẹsis uyovwin 1, Baibol na djisẹ rẹ oborẹ akpọ na vẹ arhọ rọhẹ evun rọyen tonphiyọ wan. Wọ sa vwẹroso ikuegbe nana, gbanẹ esia ghevweghe? Hworo IVIDIO na, ovwan ta ota kpahen enọ ri nenire.
-
Baibol na yonori nẹ a ma akpọ na vẹ arhọ rọhẹ evun rọyen vwẹ ẹdẹ esan rẹ unọke 24?
-
Wo rorori nẹ ikuegbe rẹ emama rọhẹ Baibol na fo obo re vwo imuẹro kpahen? Kẹ, diesorọ?
Se Jẹnẹsis 1:1, ovwan ta ota kpahen onọ nana:
-
Egbaerianriẹn tare nẹ akpọ na vẹ ophephe na vwo ọtonphiyọ. Mavọ yen ota rayen na vwọ rhọnvwephiyọ oborẹ Baibol na tare?
Ihwo evo roro sẹ Ọghẹnẹ ma arhọ womarẹ erọnvwọn re mamarhe. Se Jẹnẹsis 1:21, 25, 27, ovwan ta ota kpahen enọ nana:
-
Baibol na yonori nẹ Ọghẹnẹ ma ikẹn ọvo, ikẹn na de wene kpo erin, eranvwe, vẹ ihworakpọ? Gbanẹ ọ ma arhọ “dohwo doka rọye”? b
6. Ọghẹnẹ ma ihworakpọ vwẹ idjerhe rẹ oghẹresan
Avwanre fẹnẹ eranvwe rẹ Jihova mare na. Se Jẹnẹsis 1:26, ovwan ta ota kpahen onọ nana:
-
Ọ vwọ dianẹ a ma avwanre vwẹ oma rẹ Ọghẹnẹ na, die yen ẹguọnọ vẹ erorokẹ rẹ avwanre djephia yono avwanre kpahen Ọghẹnẹ?
IHWO EVO TA: “Ikuegbe rẹ emama rọhẹ Baibol na esia ghevweghe.”
-
Die wo rorori? Kẹ, diesorọ?
ỌDJẸKOKO
Jihova yen ma akpọ na vẹ erọnvwọn ri vwo arhọ rehẹ evun rọyen eje.
Ẹrhomafuẹrẹn
-
Die yen Baibol na yono kpahen oborẹ akpọ na tonphiyọ wan?
-
Ọghẹnẹ nẹrhẹ erọnvwọn eje mama vwo nẹ ikẹn ọvo rọ mare, gbanẹ ọ ma ayen eje dohwo doka rọyen?
-
Diesorọ ihworakpọ vwọ fẹnẹ?
HIẸ GUỌNỌ
Vwo oniso rẹ emama ri djerephia nẹ ọmemama herọ.
“Die Yen Erọnvwọn re Herọ Notọrhe Yono Avwanre?” (Awake!, September 2006)
Mrẹ oborẹ ọsẹ se vwo dje ikuegbe rẹ emama rọhẹ Baibol na vwọ kẹ ọmọ rọyen.
Nabọ fuẹrẹn sẹ uyono rẹ erọnvwọn mamarhe na vẹ Baibol na rhọnvwephiyọ ohwohwo.
“Erọnvwọn re Mamarhe Rhe Yen Ọghẹnẹ Vwọ Ma Arhọ Sansan?” (Uyovwinrota rọhẹ jw.org)
Fuẹrẹn sẹ ibeku ra tọn mrẹ vẹ ehiahiẹ rẹ egbaerianriẹn djerephia nẹ a ma arhọ yẹrẹ o mu dia kpregede.
Ọtonphiyọ rẹ Arhọ—Enọ Iyorin re Guọnọ Ẹkpahọnphiyọ (ibroshọ)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
