UYONO 20
Ọrhuẹrẹphiyotọ Rọhẹ Ukoko Na
Jihova ọyen Ọghẹnẹ rẹ ọrhuẹrẹphiyotọ. (1 Kọrẹnt 14:33) Ọtiọyena, ofori nẹ e rhẹro rọyen nẹ ihwo rọyen che vwo ọrhuẹrẹphiyotọ. Mavọ yen a rhuẹrẹ ukoko rẹ Inenikristi phiyọ wan? Mavọ yen e se vwo toroba ẹyan obaro rọyen?
1. Ono yen ọgbuyovwin rẹ ukoko na?
“Kristi hẹ olori rẹ ishọshi [“ukoko,” NW] na.” (Ẹfesọs 5:23) Jesu suẹn irueru rẹ ukoko rẹ ihwo ri Jihova vwo nẹ obo odjuvwu cha. Jesu vwẹ “odibo esiri na” rọ dia ẹmẹko rẹ ekpako re ga krẹre ra riẹn phiyọ Ẹko Rọvwẹrote na vwo mu. (Se Matiu 24:45-47.) Kerẹ iyinkọn rẹ ẹgbukpe ujorin rẹsosuọ vẹ ekpako rehẹ Jerusalẹm, Ẹko Rọvwẹrote na vwẹ odjekẹ vwọ kẹ ukoko na vwẹ akpọneje. (Iruo Rẹ Iyinkọn Na 15:2) Ẹkẹvuọvo, eshare nana dia ilori rẹ ukoko na-a. Ayen nene odjekẹ ri Jihova vẹ Ota rọyen, ayen ji vwomakpotọ vwọ kẹ usuon ri Jesu.
2. Owian vọ yen ekpako na ruẹ?
Ekpako na eyen eshare ri tedje re reyọ Ota rẹ Ọghẹnẹ vwo yono ihwo je ghẹrẹ ihwo ri Jihova womarẹ ukẹcha vẹ uchebro rayen. A hwosa kẹ aye-en. Ukperẹ ọtiọyen, ayen ruo vwo “nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phẹnphẹn.” (1 Pita 5:1, 2) Idibo rowian vwẹ ukẹcha vwọ kẹ ekpako. Ọke vwọ yanran na, ayen mi rhi muwan ayen vwọ ga kerẹ ekpako.
Ẹko Rọvwẹrote na vwẹ ekpako evo vwo mu kerẹ iniruo okinriariẹ. Ayen kiẹn ikoko sansan ji reyọ uchebro vẹ ọbọngan vwọ kẹ ayen. Iniruo okinriariẹ yen vwẹ ekpako vẹ idibo rowian vwo muẹ, ofori nẹ ihwo nana yan mu iwan rehẹ Baibol na.—1 Timoti 3:1-10, 12; Taitọs 1:5-9.
3. Owian vọ yen Oseri ọvuọvo vwori?
Ihwo eje rehẹ ukoko na “jiri odẹ rẹ Ọrovwohwo na,” womarẹ ayen vwo vwobọ vwẹ emẹvwa ji kpo aghwoghwo na vwo nene oborẹ ẹdia rayen hepha.—Se Une Rẹ Ejiro 148:12, 13.
HIẸ KODO
Yono kpahen oka rẹ osun rẹ Jesu hepha, oborẹ ekpako na davwẹngba vwọ vwẹrokere udje rọyen kugbe obo re se vwo bicha Jesu vẹ ekpako na.
4. Jesu ọyen omamọ rẹ osun
Jesu durhie avwanre. Se Matiu 11:28-30, ovwan ta ota kpahen onọ nana:
-
Mavọ yen Jesu guọnọ nẹ oma ru avwanre kpahen usuon rọyen?
Mavọ yen ekpako na vwọ vwẹrokere udje ri Jesu? Hworo IVIDIO na.
Baibol na tarọ phephẹn obo ro fori nẹ ekpako na ruiruo rayen wan.
Se Aizaya 32:2 kugbe 1 Pita 5:1-3, ovwan ta ota kpahen enọ nana:
-
Mavọ oma ru we wọ vwọ riẹn nẹ ekpako na davwẹngba rere oma vwo fun avwanre?
-
Ọrhọ yen idjerhe efa rẹ ekpako na vwọ vwẹrokere udje ri Jesu?
5. Ekpako na yono ihwo womarẹ udje rayen
Jesu phi omamọ rẹ udje phiyotọ vwọ kẹ ihwo re vwo mu vwẹ ukoko na. Se Matiu 23:8-12, ovwan ta ota kpahen onọ nana:
-
Die yen vwerhen owẹ oma kpahen ofẹnẹ rọhẹ uvwre rẹ iwan ri Baibol na vwọ kẹ ekpako vẹ obo wọ mrẹ vwẹ oma rẹ ilori rẹ ẹga?
-
Ekpako bọn esegbuyota rayen vẹ e rẹ erua rayen ganphiyọ ọkieje
-
Ekpako vwẹrote ihwo eje rehẹ ukoko na
-
Ekpako ghwoghwota na ọkieje
-
Ekpako eyen iyono. Ayen ji vwobọ vwẹ orufon vẹ ewian efa
6. Avwanre se bicha ekpako na
Baibol na djunute oboresorọ e vwo bicha ekpako na. Se Hibru 13:17, ovwan ta ota kpahen enọ nana:
-
Ọhọ herọ Baibol na vwọ tanẹ avwanre vwomakpotọ kerhọ rẹ ihwo re vwo mu vwẹ ukoko na? Diesorọ, yẹrẹ diesorọ ọ vwọ jẹ dia ọtiọyen?
Se Luk 16:10, ovwan ta ota kpahen onọ nana:
-
Diesorọ o vwo fo nẹ wo bicha ekpako na vwẹ erọnvwọn itete dede?
IHWO EVO TA: “Ofori nẹ e kuomakugbe ẹga-a.”
-
Diesorọ wo vwo roro nẹ ofori nẹ e kuomakugbe ukoko ọvo rọ ga Ọghẹnẹ?
ỌDJẸKOKO
Jesu yen ọgbuyovwin rẹ ukoko na. Avwanre biẹcha ekpako rehẹ otọ rẹ usuon rọyen kidie ayen sasa avwanre oma, ayen ji yono avwanre womarẹ udje rayen.
Ẹrhomafuẹrẹn
-
Ono yen ọgbuyovwin rẹ ukoko na?
-
Mavọ yen ekpako na vwọ chọn ukoko na uko?
-
Ọrhọ yen iruo ra vwọ kẹ ohwo vuọvo rọhẹ ukoko na?
HIẸ GUỌNỌ
Mrẹ odjephia rẹ ọdavwẹ rẹ Ẹko Rọvwẹrote na vẹ ekpako efa vwo kpahen Inenikristi nonẹna.
A Vwọ Bọn Iniọvo Na Gan Vwẹ Ọke Ra Vwọ Dobọ rẹ Iruo Avwanre Ji (4:22)
Yono kpahen owian rẹ iniruo okinriariẹ ruẹ.
Se kpahen owian ro te eya vwẹ ukoko na.
“Iseri ri Jihova Vwo Ighwoghwota re Dia Eya?” (Uwevwin Orhẹrẹ ri September 1, 2012)
Mrẹ iruo rẹ ekpako na ruẹ ayen sa vwọ bọn iniọvo na gan.
“Ekpako ri ‘Nene Ovwan Ruẹ Iruo Fiki rẹ Aghọghọ rẹ Ovwan’ ” (Uwevwin Orhẹrẹ ri January 15, 2013)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
