UYONO 27
Mavọ Yen Ughwu ri Jesu se Vwo Sivwin Avwanre?
Avwanre ru umwemwu, rioja ji ghwẹ kidie ọsẹ vẹ oni rẹ avwanre rẹsosuọ, Adam vẹ Ivi churhi rẹ Ọghẹnẹ. a Ẹkẹvuọvo, avwanre ji vwo iphiẹrophiyọ. Jihova ru ọrhuẹrẹphiyotọ ro che si avwanre vwo nẹ umwemwu vẹ ughwu womarẹ Ọmọ rọyen, Jesu Kristi. Ọtanhirhe ọyen osa ra hwa e vwo siobọnẹ ohwo. Jesu vwẹ arhọ ọgbagba rọyen vwọ tan avwanre hirhe. (Se Matiu 20:28.) Jesu vwọ vwẹ arhọ rọyen kpahotọ rere avwanre se vwo vwo arhọ ri bẹdẹ na nẹrhẹ e se vwo emu eje rẹ Adam vẹ Ivi ku kufia. Jesu ji dje obo rọ vẹ Jihova vwo ẹguọnọ rẹ avwanre te. Uyono nana cha nẹrhẹ ọdavwaro re vwo kpahen ughwu ri Jesu kodophiyọ.
1. Mavọ yen a sa vwọ mrẹ erere nẹ ughwu ri Jesu nonẹna?
Avwanre ru erọnvwọn ri tu Jihova oma kidie avwanre irumwemwu. Ẹkẹvuọvo, imwemwu na da da avwanre, a da nokpẹn rẹ evwoghovwo mie Jihova womarẹ Jesu, je davwẹngba vwọ kẹnoma kẹ kare kare, ke se vwo oyerinkugbe ọkpẹkpẹkpẹ vẹ Jihova. (1 Jọn 2:1) Baibol na da ta: “Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra.”—1 Pita 3:18.
2. Mavọ yen a sa vwọ mrẹ erere nẹ ughwu ri Jesu vwẹ obaro na?
Jihova ji Jesu rhe, re vwẹ arhọ ọgbagba rọyen kpahotọ “rere ohwo kohwo ro sere gbuyota vwo jẹ ghwọrọ ẹkẹvuọvo ko vwo arhọ ri bẹdẹ.” (Jọn 3:16) Womarẹ oborẹ Jesu ruru na, Jihova ko che si omiamiavwe rẹ jẹ ẹmienyo rẹ Adam ghwa rhe. Ọnana mudiaphiyọ nẹ avwanre de vwo esegbuyota kpahen izobo rẹ ọtanhirhe ri Jesu, ke che vwo uphẹn re vwo vwo omavwerhovwẹn bẹdẹ vwẹ otọrakpọ na!—Aizaya 65:21-23.
HIẸ KODO
Yono kpobarophiyọ kpahen oboresorọ Jesu vwọ vwẹ arhọ rọyen kpahotọ vẹ obo ro vwo fierere kẹ wẹ.
3. Ughwu ri Jesu si avwanre nẹ abọ rẹ umwemwu vẹ ughwu
Hworo IVIDIO na, ovwan ta ota kpahen onọ ro nenire.
-
Adam ọyen ohwo ọgbagba rọ churhi rẹ Ọghẹnẹ. Ọnana da nẹrhẹ ihworakpọ riuku rẹ umwemwu vẹ ughwu
-
Jesu ọyen ohwo ọgbagba rọ yọnrọn irhi rẹ Ọghẹnẹ. Ọnana da nẹrhẹ ihworakpọ vwo uphẹn ayen vwọ dia gbagba je dia bẹdẹ
4. Ihwo ejobi sa mrẹ erere nẹ ughwu ri Jesu rhe
Hworo IVIDIO na, ovwan ta ota kpahen onọ ro nenire.
-
Mavọ yen ughwu rẹ ohwo ọvo se vwo fierere kẹ ihwo eje?
Se 1 Timoti 2:5, 6, ovwan ta ota kpahen onọ nana:
-
Adam ọyen ohwo ọgbagba rọ shẹ ihworakpọ phiyọ ẹdia umwemwu vẹ ughwu. Jesu jẹ ohwo ọgbagba. Idjerhe vọ yen Jesu vwọ vwẹ “oma rọye tan avwanre ejobi hirhe”?
5. Ọtanhirhe na ọyen okẹ rẹ Jihova vwọ kẹ avwanre
Igbeyan ri Jihova ni ọtanhirhe na kerẹ okẹ romobọ. Kerẹ udje, se Galesha 2:20, ovwan ta ota kpahen onọ nana:
-
Mavọ yen ọyinkọn Pọl vwo djephia nẹ ọyen ni ọtanhirhe na kerẹ okẹ romobọ?
Ọke rẹ Adam vwo ru umwemwu, te ọyen te emọ rọyen ejobi da riabe rẹ ughwu. Ẹkẹvuọvo, Jihova ji Ọmọ rọyen nẹ o rhi ghwu kẹ avwanre rere wo se vwo vwo uphẹn wọ vwọ dia bẹdẹ.
Wo che vwo se awọreta rehẹ obotọ na, vwẹro roro oborẹ oma ru Jihova ọke rẹ Ọmọ rọyen vwọ rioja. Se Jọn 19:1-7, 16-18, ovwan ta ota kpahen onọ nana:
-
Mavọ yen oma ru we kpahen oborẹ Jihova vẹ Jesu ru kẹ wẹ?
OHWO SA NỌ: “Mavọ yen ohwo ọvo se vwo ghwu kẹ ihwo eje?”
-
Die yen ẹkpahọnphiyọ wẹn?
ỌDJẸKOKO
Ughwu ri Jesu nẹrhẹ Jihova sa vwẹ imwemwu rẹ avwanre vwo ghovwo avwanre, ọ je nẹrhẹ e vwo uphẹn re vwo vwo omavwerhovwẹn bẹdẹ.
Ẹrhomafuẹrẹn
-
Diesorọ Jesu vwo ghwu?
-
Idjerhe vọ yen arhọ ọgbagba ri Jesu vwọ dia ọtanhirhe ọgbagba?
-
Mavọ yen ughwu ri Jesu vwo fierere kẹ avwanre?
HIẸ GUỌNỌ
Yono kpahen oboresorọ e vwo se arhọ ọgbagba ri Jesu ọtanhirhe.
“Mavọ Yen Izobo ri Jesu Vwọ ‘Tan Ihwo Buebun Hirhe’?” (Uyovwinrota rọhẹ jw.org)
Mrẹ obo ro fori nẹ e ru e se vwo vwo usivwin.
“Idjerhe Vọ Yen Jesu Vwo Sivwin Avwanre?” (Uyovwinrota rọhẹ jw.org)
Jihova se vwo ghovwo umwemwu ọgangan?
“Ẹkpahọnphiyọ rẹ Enọ rẹ Baibol Na” (Uwevwin Orhẹrẹ ri May 1, 2013)
Mrẹ oborẹ ọshare ọvo vwo wene oka rẹ ohwo rọ hepha ọke ro vwo yono kpahen izobo rẹ ọtanhirhe ri Jesu.
“Me Rha Dia Ọviẹn Vwọ kẹ Ozighi-egbe Ọfa-a” (Uyovwinrota rọhẹ jw.org)
a Umwemwu ghwa dia re vwo ru obo re brare ọvo-o. Umwemwu ji mudiaphiyọ ẹdia ọbrabra rẹ avwanre riuku rọyen.
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
