UYONO 36
Ta Uyota Ọkieje
Ihwo eje guọnọ dia ugbeyan rẹ ohwo rọ ta uyota. Igbeyan ri Jihova je cha dia ihwo re ta uyota. Ẹkẹvuọvo, ọ ghwa lọhọ-ọ kidie ihwo buebun vwẹ akpọ na ta uyota-a. Erere vọ yen che norhe siẹrẹ a da dia ihwo re ta uyota?
1. Diesorọ avwanre vwọ ta uyota ọkieje?
A da ta uyota kẹ ihwo efa, jẹ e djephia nẹ e vwo ẹguọnọ ri Jihova ji muọghọ kẹ. Roro kpahọn: Jihova riẹn iroro avwanre vẹ obo re ruẹ eje. (Hibru 4:13) Ọ riẹn siẹrẹ avwanre da ta uyota, o ji no ghanghanre. Baibol na da ta: “Ohwo ọchọchọ ẹgua kẹ Ọrovwohwo oma, ẹkẹvuọvo ọ vwẹ ẹro sua ohwo rọ dia ọvwata.”—Isẹ 3:32.
2. Erhọ yen idjerhe evo ra sa vwọ ta uyota ọkieje?
Jihova guọnọre nẹ a “ta uyota kẹ ohwohwo.” (Zekaraya 8:16, 17) Die yen ọyena mudiaphiyọ? Te avwanre ta ota kẹ ihwo rẹ orua avwanre, irivẹ avwanre vwẹ obiruo, iniọvo rẹ ukoko na yẹrẹ ihwo ri igomẹti, ofori nẹ e gun efian yẹrẹ kẹ ayen ovuẹ ro che sun ayen ghwru-u. Ihwo re ta uyota chuji yẹrẹ ghwa ihwo ria-a. (Se Isẹ 24:28 kugbe Ẹfesọs 4:28.) Ayen je hwosa rẹ uyovwin. (Rom 13:5-7) Vwẹ idjerhe nana vẹ efa, avwanre “ruẹ emu rẹ ọghọ vwi kemu kemu ejobi.”—Hibru 13:18.
3. Erere vọ yen che norhe siẹrẹ a da dia ihwo re ta uyota?
A da riẹn avwanre phiyọ ihwo re ta uyota, ihwo ke cha vwẹroso avwanre. Ọnana che toroba ufuoma vẹ ẹdia rẹ ofuvwegbe rọhẹ ukoko na. E ji che vwo ẹwẹn obrorhiẹn rọ fonro. Uruemu nana cha nẹrhẹ ihwo “mu ọghọ kẹ uyono rẹ Ọghẹnẹ Osivwi rẹ avwanre,” o mi ji si ihwo rhe ukoko ri Jihova.—Taitọs 2:10.
HIẸ KODO
Mrẹ oborẹ oma sa vwọ vwerhen owẹ vẹ Jihova wọ da ta uyota ọkieje, wọ je mrẹ obo wọ sa vwọ dia ohwo rẹ uyota vwẹ ẹdia sansan rẹ akpeyeren.
4. Oma vwerhen Jihova siẹrẹ a da ta uyota
Se Une Rẹ Ejiro 44:21 kugbe Malakae 3:16, ovwan ta ota kpahen enọ nana:
-
Diesorọ wo vwo roro nẹ ọyen emu ẹkpa siẹrẹ e de roro nẹ a sa djahen uyota na?
-
Mavọ yen wo rorori nẹ oma ru Jihova siẹrẹ a da ta uyota, ọ da tobọ dianẹ ọ bẹn vwọ kẹ avwanre?
Imitete da ta uyota, ayen nẹrhẹ oma vwerhen esẹ vẹ ini rayen. Oma je cha vwerhen Jihova siẹrẹ a da ta uyota
5. Dia ohwo rẹ uyota vwẹ irueru ri kẹdẹ kẹdẹ wẹn
Ihwo buebun vwo imuẹro nẹ a vwọ ta uyota ọkieje ghwa lọhọ-ọ. Ẹkẹvuọvo, roro kpahen oboresorọ a vwọ ta uyota ọkieje. Hworo IVIDIO na.
Se Hibru 13:18, ovwan ta ota kpahen obo ra sa vwọ ta uyota vwẹ . . .
-
orua avwanre.
-
obiruo yẹrẹ isikuru.
-
ẹdia efa.
6. A cha mrẹ erere siẹrẹ a da ta uyota ọkieje
Vwẹ ẹsosuọ, e se hirharoku ebẹnbẹn evo kidie a guọnọ ta uyota. Vwẹ ukuotọ rọyen, ọyena cha dia orhiẹn ro me yovwin. Se Une Rẹ Ejiro 34:12-16, ovwan ta ota kpahen onọ nana:
-
Mavọ yen akpeyeren avwanre che vwo yovwinphiyọ siẹrẹ a da dia ihwo re ta uyota?
-
Eshare vẹ eya re ta uyota kpuriẹnphiyọ orọnvwe rayen
-
Ihwo re wian kuẹgbe da ta uyota, onini rayen kọ cha vwẹroso ayen
-
Ihwo rehẹ ẹkuotọ na da ta uyota, ihwo rẹ igomẹti ke cha vwẹ omamọ rẹ ẹro vwo ni ayen
IHWO EVO TA: “Efian evo torori-i kidie e pha hanhanvwe.”
-
Diesorọ o vwo muwẹro nẹ Jihova vwo utuoma kpahen efian eje?
ỌDJẸKOKO
Jihova guọnọ nẹ igbeyan rọyen ta uyota womarẹ eta vẹ iruemu rayen eje
Ẹrhomafuẹrẹn
-
Ọrhọ yen idjerhe evo ra sa vwọ dia ihwo rẹ uyota?
-
Diesorọ ọ vwọ dia emu ẹkpa re vwo roro nẹ a sa djahen uyota na?
-
Diesorọ a vwọ ta uyota ọkieje?
HIẸ GUỌNỌ
Mavọ yen emiọvwọn se vwo yono emọ rayen vwọ dia ihwo re ta uyota?
Erere vọ yen che norhe siẹrẹ e de ru obo re veri?
Roro kpahen oboresorọ a vwọ hwosa rẹ uyovwin ọ da tobọ dianẹ e mu igho na ghwọrọ.
“Ofori nẹ Wọ Hwa Osa rẹ Uyovwin?” (Uwevwin Orhẹrẹ ri September 1, 2011)
Die yen mu ọshare ọvo rọ ta uyota-a vwo wene akpeyeren rọyen je rhe dia ohwo rẹ uyota?
“Mi Yonori nẹ Jihova Gbe Arodọnvwẹ ji Vwo Ghovwo Ohwo” (Uwevwin Orhẹrẹ ri May 1, 2015)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
