UYONO 37
Oborẹ Baibol na Ta Kpahen Owian vẹ Igho
Ofu dje we jovwo re fikirẹ iruo vẹ igho wẹn? Ọ sa dia bẹnbẹn wọ vwọ vwẹrote ọdavwẹ wẹn je vwẹ ẹga ro fiotọ vwọ kẹ Jihova. Baibol na vwẹ omamọ rẹ uchebro rọ sa chọn avwanre uko vwọphia.
1. Die yen Baibol na ta kpahen owian?
Ọghẹnẹ guọnọre nẹ avwanre riavwerhen rẹ iruo avwanre. Baibol na da ta: “Emu ọfa rha herọ ro yovwi ko ohwo-o jokpa nẹ ọ gba re rere ọ da, rere ọ mrẹ avwerhe rẹ owian rọye.” (Aghwoghwo 2:24) Jihova wian gangan. A da vwẹrokere Jihova womarẹ a vwọ wian gangan, oma cha vwerhen Jihova, oma je cha vwerhen avwanre.
Owian pha ghanghanre. Ẹkẹvuọvo, e jẹ owian ghanra vrẹ ẹga ra vwọ kẹ Jihova-a. (Jọn 6:27) Jihova veri nẹ e de phi ẹga rọyen phiyọ ẹdia rẹsosuọ, ọ cha vwẹrote edavwẹ rẹ ugboma avwanre.
2. Ẹro abavo vọ yen ofori nẹ e vwo ni igho?
Dede nẹ Baibol na tare nẹ igho ọyen “ekpọfia,” o ji si avwanre orhọ nẹ igho ọvo cha sa nẹrhẹ e vwo omavwerhovwẹ-ẹn. (Aghwoghwo 7:12) Eriyina, e jẹ avwanre vwo ẹguọnọ rẹ igho-o, ukperẹ ọtiọyen “jẹn obo ri wo vwori da wẹ ẹro.” (Se Hibru 13:5.) E de vwo otekẹvwẹ, ka sa vrabọ rẹ ofudjevwe ro nẹ obuko rẹ ẹvwọtua rẹ ekuakua rẹ akpeyeren cha. A je cha vrabọ rẹ esa. (Isẹ 22:7) Imuoshọ ro nẹ obuko rẹ idjogba vẹ ẹwẹn efe okpakpa rẹ akpọ na cha che te avwanre oma-a.
3. Mavọ yen a sa vwọ vwẹ igho kokẹ ghwologhwolo?
Jihova ọyen Ọghẹnẹ rọ kokẹ ghwologhwolo. A sa vwẹrokere siẹrẹ e de “ru emu esiri . . . [ji] ru ẹse.” (1 Timoti 6:18) A sa vwẹ igho vwo ruẹse siẹrẹ e de bicha ukoko na ji vwẹ ukẹcha kẹ ihwo re guọnọ ukẹcha, ma rho kẹ ihwo ra vẹ ayen gba ga ẹga. Ọ dia uche igho re vwo ruẹse na yen je Jihova-a, ẹkẹvuọvo ẹwẹn re vwo ruo. E de ruẹse vwo nẹ ubiudu rhe, oma cha vwerhen avwanre, e mi ji ru ubiudu ri Jihova ghọghọ.—Se Iruo Rẹ Iyinkọn Na 20:35.
HIẸ KODO
Mrẹ erere ra mrẹ siẹrẹ e de phi iruo phiyọ ẹdia ro foro ji vwo otekẹvwẹ.
4. Vwẹ owian wẹn vwo muọghọ kẹ Jihova
Ofori nẹ oyerinkugbe avwanre vẹ Jihova wene ẹro rẹ avwanre vwo ni owian. Hworo IVIDIO na, ovwan ta ota kpahen enọ ri nenire.
-
Vwevunrẹ ividio na, die yen vwerhen owẹ oma kpahen uruemu rẹ Jason djephia vwẹ asan ro de ruiruo?
-
Mavọ yen o vwo phi owian phiyọ ẹdia ro foro?
Se Kọlose 3:23, 24, ovwan ta ota kpahen onọ nana:
-
Diesorọ ẹro rẹ avwanre vwo ni owian vwọ ghanre?
Owian pha ghanghanre. Ẹkẹvuọvo, e jẹ owian ghanra vrẹ ẹga ra vwọ kẹ Jihova-a
5. Ẹwẹn rẹ otekẹvwẹ fierere kẹ avwanre
Ihwo buebun davwẹngba ayen vwo koko igho buebun. Ẹkẹvuọvo, Baibol na vwẹ uchebro rọ fẹnẹre kẹ avwanre. Se 1 Timoti 6:6-8, ovwan ta ota kpahen onọ nana:
-
Uchebro vọ yen Baibol na vwọ kẹ avwanre?
E se vwo omavwerhovwẹn ọ da tobọ dianẹ imigho yen avwanre vwori. Hworo IVIDIO na, ovwan ta ota kpahen onọ ro nenire.
-
Die yen kẹ erua na omavwerhovwẹn dede nẹ ayen ghwe vwo igho buebu-un?
Ẹkẹvuọvo, ọ da dianẹ avwanre vwo igho buebun jẹ a je guọnọ efa vwo? Jesu gbikun ọvo ro djekpahen imuoshọ rọ herọ. Se Luk 12:15-21, ovwan ta ota kpahen onọ nana:
-
Die yen wo yono vwo nẹ udje ri Jesu na?—Ni owọ 15.
Se wo ji ni Isẹ 10:22 kugbe 1 Timoti 6:10. Ovwan ta ota kpahen enọ nana:
-
Ọrhọ yen wo rorori nẹ ọyen ma ghanre, oyerinkugbe rẹ ohwo vẹ Jihova gbanẹ e vwo vwo igho buebun? Kẹ, diesorọ?
-
Ebẹnbẹn vọ yen no cha siẹrẹ a da vwọtua igho?
6. Jihova cha vwẹrote edavwẹ rẹ avwanre
Ebẹnbẹn rẹ owian vẹ igho sa davwen esegbuyota rẹ avwanre vwo kpahen Jihova ni. Hworo IVIDIO na rere wọ mrẹ obo re se vwo yerin ghene ebẹnbẹn tiọyena, ovwan ta ota kpahen enọ ri nenire.
-
Vwevunrẹ ividio na, ebẹnbẹn vọ yen oniọvo na hirharoku?
-
Die yen o ruru o se vwo phi ebẹnbẹn na kparobọ?
Se Matiu 6:25-34, ovwan ta ota kpahen onọ nana:
-
Die yen Jihova ve kẹ ihwo ri phi ẹga rọyen phiyọ ẹdia rẹsosuọ?
IHWO EVO TA: “Ofori nẹ me wian gangan vwo bicha orua mẹ. Mi che se kpo uyono kudughwrẹn kudughwrẹ-ẹn.”
-
Ẹkpo ri Baibol vọ yen kẹ wẹ imuẹro nẹ orhiẹn rọ ma ghanre yen e vwo phi ẹga ri Jihova phiyọ ẹdia rẹsosuọ?
ỌDJẸKOKO
Owian vẹ igho ghanre, ẹkẹvuọvo ofori nẹ i gbowọphiyọ ẹga ri Jihova-a.
Ẹrhomafuẹrẹn
-
Die yen sa chọn wẹ uko vwọ vwẹ ẹro abavo vwo ni iruo?
-
Mavọ yen ẹwẹn rẹ otekẹvwẹ vwo fierere kẹ wẹ?
-
Mavọ yen wo se vwo djephia nẹ wọ vwẹroso ive ri Jihova nẹ ọ cha vwẹ oborẹ ihwo rọyen guọnọre vwọ kẹ ayen?
HIẸ GUỌNỌ
Fuẹrẹn Baibol na sẹ ọ tare nẹ igho brare.
Yono kpahen obo ra sa vwọ vwẹ igho avwanre vwo jiri Ọghẹnẹ.
“Die Yen Baibol na ta Kpahen Ẹse-eruo?” (Uyovwinrota rọhẹ jw.org)
Idjogba vwo imuoshọ?
Mrẹ obo ri mu ọshare ọvo ro phi idjogba, ro ji chuji vwo wene akpeyeren rọyen.
“Onẹ ra Djẹ Womarẹ Iyesi Vwerhen Ovwẹ Oma Mamọ” (Uwevwin Orhẹrẹ ri November 1, 2011)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
