UYONO 55
Bicha Ukoko Wẹn
Vwẹ akpọneje, oma vwerhen ihwo buebun rẹ ayen vwọ ga Jihova vwẹ ikoko re vrẹ uriorin buebun. Ayen vwo ọdavwaro kpahen odjekẹ vẹ ọkpọvi ra vwọ kẹ ayen, ayen ji vwo owenvwe rẹ ayen vwo biẹcha ukoko na vwẹ idjerhe sansan. Ọtiọyen oma ji ru we kpahen ukoko wẹn?
1. Erhọ yen idjerhe evo wọ sa vwọ vwẹ ọke vẹ ẹgba wẹn vwo bicha ukoko na?
Avwanre eje sa vwẹ ukẹcha phia vwẹ ukoko na. Kerẹ udje, emare vẹ ihwo rẹ oma rayen gan te-e hẹ ukoko wẹn? Wo se mu ayen kpo uyono? Wọ sa vwẹ ukẹcha efa vwọ kẹ ayen, kerẹ a vwọ yan uwevwin kẹ ayen yẹrẹ ruẹ uwevwin rayen fuan? (Se Jems 1:27.) A sa je vwomakpahotọ vwo ruiruo rẹ orufon yẹrẹ ẹrhuẹrẹ vwẹ Ọguan Ruvie. A gba ohwo vwo ruẹ aye-en. Ẹguọnọ ri Jihova vẹ ọ rẹ iniọvo na yen mu avwanre vwo “siobọ nẹ oma rẹ [avwanre] ọphọphẹ.”—Une Rẹ Ejiro 110:3.
Ihwo ri bromaphiyame re se bicha ukoko na vwẹ idjerhe efa. Iniọvo eshare ri muwan sa ga kerẹ idibo rowian, ọke vwọ yanran na, ayen sa rhe dia ekpako. Iniọvo eshare vẹ eya se bicha iruo rẹ aghwoghwo na siẹrẹ ayen da ga kerẹ ekobaro. Iniọvo evo sa vwẹ ukẹcha phia vwọ bọn asan ra da ga ẹga yẹrẹ kua kpo asan rẹ ukoko na da guọnọ ukẹcha vwẹ idjerhe efa.
2. Mavọ yen a sa vwọ vwẹ ekuakua rẹ avwanre vwori vwo bicha ukoko na?
Wọ sa “vwẹ emu wo vwori ejobi bru ọghọ phihọ Ọrovwohwo oma.” (Isẹ 3:9) Ọyen okpọghọ rẹ avwanre vwo toro igho vẹ ekuakua efa vwo bicha iruo rẹ ukoko na kugbe iruo rẹ aghwoghwo re ruẹ vwẹ akpọneje. (Se 2 Kọrẹnt 9:7.) A je vwẹ itetoro rẹ avwanre vwo biẹcha ihwo re rhiẹromrẹ oghwọrọ ri kpregede. Ihwo buebun brorhiẹn rẹ ayen vwo “phiẹ ememu vwọ hẹ akakọ” ọkieje vwo ru itetoro. (Se 1 Kọrẹnt 16:2.) A sa vwẹ ekpeti rẹ utoro rọhẹ uyono vwo ruiruo yẹrẹ ruo vwẹ intanẹti vwẹ donate.pr418.com. Jihova kẹ avwanre uphẹn re vwo dje ẹguọnọ kẹ womarẹ obo ra reyọ ekuakua ugboma re vwori vwo ruiruo.
HIẸ KODO
Roro kpahen idjerhe evo wo se vwo bicha ukoko na.
3. A sa reyọ ekuakua rẹ ugboma rẹ avwanre vwo ruo
Jihova vwo ẹguọnọ rẹ ihwo ri kokẹ ghwologhwolo. Ẹwẹn vuọvo na yen rhe Jesu. Kerẹ udje, Jesu vwo oniso rẹ ayeuku ọvo kugbe ẹgbaẹdavwọn ro vwo ru itetoro. Se Luk 21:1-4, ovwan ta ota kpahen enọ nana:
-
Ofori nẹ e ru itetoro buebun e ki se ru ọhọre ri Jihova?
-
Mavọ oma ru Jihova vẹ Jesu kpahen itetoro ri ghwologhwolo avwanre?
Wọ vwọ riẹn obo ra vwẹ itetoro rẹ avwanre vwo ruẹ, hworo IVIDIO na. Ovwan ta ota kpahen onọ ro nenire.
-
Mavọ yen itetoro rẹ avwanre vwo fierere kẹ ikoko rehẹ akpọneje?
4. A sa vwomakpahotọ
Vwẹ ọke awanre, idibo ri Jihova vwẹ oruru vwọ wian gangan vwọ sẹro rẹ uwevwin ẹga na. Ẹkẹvuọvo, ọ dia igho ọvo yen ayen torori-i. Se 2 Ikun Rivie 34:9-11, ovwan ta ota kpahen onọ nana:
-
Ukẹcha vọ yen ihwo rẹ Izrẹl eje vwọ phia vwẹ ẹroevwote rẹ uwevwin ri Jihova yẹrẹ asan ra da ga ẹga?
A vwọ mrẹ oborẹ Iseri ri Jihova vwọ yan nene udje rẹ ọke awanre yena, hworo IVIDIO na. Ovwan ta ota kpahen enọ ri nenire.
-
Diesorọ o vwo fo nẹ e ru Ọguan Ruvie rẹ avwanre fon, je nabọ rhuẹrẹ?
-
Erhọ yen idjerhe evo wọ sa vwọ vwẹ ukẹcha phia?
5. Iniọvo eshare se muwan vwọ kẹ ewian vwẹ ukoko na
Baibol na vwẹ uchebro kẹ iniọvo eshare nẹ ayen pharhe rere ayen se vwo bicha ukoko na. Wọ vwọ mrẹ udje ọvo, hworo IVIDIO na. Ovwan ta ota kpahen onọ ro nenire.
-
Vwevunrẹ ividio na, mavọ yen Ryan sa vwọ pharhe vwo bicha ukoko na vọnvọn?
Baibol na dje oborẹ iniọvo eshare cha yanmu tavwen ayen ki muwan kerẹ idibo rowian kugbe ekpako. Se 1 Timoti 3:1-13, ovwan ta ota kpahen enọ nana:
OHWO SA NỌ: “Mavọ yen Iseri ri Jihova vwọ mrẹ igho vwo ruiruo rayen?”
-
Die yen ẹkpahọnphiyọ wẹn?
ỌDJẸKOKO
Jihova vwẹ ẹro ọghanghanre vwo ni ẹgbaẹdavwọn rẹ avwanre vwọ vwẹ ọke, ẹgba vẹ ekuakua re vwori vwo biẹcha ukoko na.
Ẹrhomafuẹrẹn
-
Mavọ yen a sa vwọ vwẹ ọke vẹ ẹgba rẹ avwanre vwo bicha ukoko na?
-
Mavọ yen a sa vwọ vwẹ ekuakua rẹ avwanre vwo bicha ukoko na?
-
Idjerhe vọ yen wọ vwọ guọnọ bicha ukoko na?
HIẸ GUỌNỌ
Roro kpahen oboresorọ Ọghẹnẹ rha guọnọ nẹ ihwo re ga hwa ẹkẹn ihwe-e.
“Die Yen Baibol na Ta Kpahen Ẹkẹn Ihwe?” (Uyovwinrota rọhẹ jw.org)
Baibol na vwẹ iruo evo kẹ eshare ri bromaphiyame re. Kẹ ọ da rha dianẹ oniọvo aye ro bromaphiyame re yen cha vwẹrote iruo na vwo?
“Riẹn Oborẹ Ọgbuyovwin Mudiaphiyọ Vwọ Ukoko Na” (Uwevwin Orhẹrẹ, ọ ri February 2021)
Mrẹ Iseri ri Jihova evo ri fiudugberi mu ẹbe rẹ ukoko na rhe iniọvo efa vwẹ ọke ro muoshọ.
Yono kpahen idjerhe rẹ avwanre vwọ mrẹ igho vwọ fẹnẹ ọ rẹ ẹga efa.
“Mavọ Ovwan Vwọ Mrẹ Igho Vwo Ruiruo Rovwan?”(Uyovwinrota rọhẹ jw.org)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
