UYONO 60
Yan Phiaro Ọkieje
Womarẹ uyono ri Baibol na, wo yono erọnvwọn buebun kpahen Jihova re. Erọnvwọn wo yonori nẹrhẹ wo vwo ẹguọnọ ri Jihova phiyọ, ọke ọvo ọ nẹrhẹ wọ vwomakpahotọ ji bromaphiyame re. Ọ rha dia ọtiọye-en, ọkiọvo wo muegbe wo vwo ru ọtiọyen vwẹ obaro na. Ẹkẹvuọvo, ọ dia omaebrophiyame yen ẹyan obaro wẹn de vwoba-a. Wo ji che rhe siẹkẹrẹ Jihova phiyọ bẹdẹ bẹdẹ. Vwẹ idjerhe vọ?
1. Diesorọ o vwo fo nẹ wo ru oyerinkugbe wẹn vẹ Jihova ganphiyọ ọkieje?
Ofori nẹ a wian gangan vwo ru oyerinkugbe rẹ avwanre vẹ Jihova ganphiyọ ọkieje. Diesorọ? E vwo je “bo ghwru.” (Hibru 2:1) Die yen sa chọn avwanre uko vwọ fuevun ga Jihova? E vwo muomaphiyọ iruo rẹ aghwoghwo na ji guọnọ idjerhe efa ra sa vwọ ga Ọghẹnẹ vọnvọn. (Se Filipae 3:16.) A vwọ ga Jihova yen akpeyeren ro me yovwin!—Une Re Ejiro 84:10.
2. Die ọfa yen ofori nẹ wo ru?
Dede nẹ uyono ri Baibol wẹn kuẹphiyọ re, jẹ wo ji che re yeren akpọ rẹ Onenikristi. Baibol na tare nẹ avwanre “ku ohwo ọkpokpọ na phihọ oma.” (Ẹfesọs 4:23, 24) Wo vwo yono Baibol na ji kpo uyono ọkieje, wo che yono erọnvwọn kpokpọ kpahen Jihova vẹ iruemu rọyen. Guọnọ idjerhe wọ sa vwọ vwẹrokere iruemu rọyen phiyọ vwẹ akpeyeren wẹn. Davwẹngba vwo ru ewene ra guọnọre wọ sa vwọ nẹrhẹ oma vwerhen Jihova.
3. Mavọ yen Jihova cha vwọ chọn wẹ uko vwo ru yovwinphiyọ?
Baibol na da: “Ọghẹnẹ . . . okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.” (1 Pita 5:10) Avwanre eje hirharokuẹ edavwini. Ẹkẹvuọvo, Jihova kẹ avwanre obo ra guọnọre a sa vwọ sen ayen. (Une Rẹ Ejiro 139:23, 24) Jihova veri nẹ ọyen cha nẹrhẹ wo vwo owenvwe vẹ ẹgba wọ sa vwọ fuevun ga.—Se Filipae 2:13.
HIẸ KODO
Yono kpahen obo wo se vwo ru yovwinphiyọ kugbe oborẹ Jihova se vwo bruba kẹ wẹ.
4. Ta ota kẹ Ugbeyan rọ ma kẹrẹ owẹ ọkieje
Ẹrhovwo vẹ uyono ri Baibol chọn wẹ uko vwọ dia ugbeyan ri Jihova re. Mavọ yen eyena sa vwọ nẹrhẹ wo sikẹrẹ Jihova phiyọ?
Se Une Rẹ Ejiro 62:8, ovwan ta ota kpahen onọ nana:
-
Wo se vwo ru oyerinkugbe wẹn vẹ Jihova ganphiyọ, mavọ yen wo se vwo ru ẹrhovwo wẹn yovwinphiyọ?
Se Une Rẹ Ejiro 1:2, ovwan ta ota kpahen onọ nana:
-
Wo se vwo ru oyerinkugbe wẹn vẹ Jihova ganphiyọ, mavọ yen wo se vwo ru ẹrhovwo wẹn yovwinphiyọ?
Mavọ yen wo se vwo ru uyono romobọ wẹn yovwinphiyọ? Wọ vwọ mrẹ iroroẹjẹ evo, hworo IVIDIO na, ovwan ta ota kpahen onọ ro nenire.
-
Iroroẹjẹ vọ yen wọ mrẹre vwẹ ividio na wo se vwo ruiruo?
-
Iyovwinreta vọ yen wọ guọnọ yono kpahen?
5. Vwo obo ra vwọ tua
Wo de vwo obo ra vwọ tua vwẹ ẹga ri Jihova, ọ cha chọn wẹ uko vwo ru yovwinphiyọ. Hworo IVIDIO na, ovwan ta ota kpahen onọ ro nenire.
-
Vwevunrẹ ividio nana, mavọ yen Cameron vwọ mrẹ erere vwo nẹ obo rọ vwọ tua vwẹ ẹga ri Jihova?
Ọ dia ihwo eje yen se kpo ẹkuotọ ọfa re ghwoghwo-o. Ẹkẹvuọvo, mavọ yen avwanre ihwo eje se vwo vwo obo ra vwọ tua vwẹ ẹga ri Jihova. Se Isẹ 21:5, ovwan ta ota kpahen obo ra sa vwọtua vwẹ ẹga ri Jihova kerẹ . . .
-
vwevunrẹ ukoko na.
-
vwẹ iruo aghwoghwo na.
Mavọ yen odjekẹ rọhẹ ẹkpo ri Baibol na sa vwọ chọn wẹ uko vwọ yanmu obo wọ vwọ tua?
Obo ra vwọ tua wo se roro kpahen
-
Ru ẹrhovwo wẹn yovwinphiyọ.
-
Se ọsoso ri Baibol na.
-
Vughe ihwo eje rehẹ ukoko wẹn.
-
Tuẹn uyono ri Baibol phiyọ.
-
Wọ sa ga kerẹ ọkobaro ubrọke yẹrẹ ọ rẹ ọkieje.
-
Wọ da dia oniọvo rẹ ọshare, yerin te ẹdia rẹ odibo rowian.
6. Vwo omavwerhovwẹn bẹdẹ!
Se Une Rẹ Ejiro 22:26, ovwan ta ota kpahen onọ nana:
-
Die yen wo se ru vwo vwo omavwerhovwẹn asaọkiephana kugbe ọke rọ cha vwẹ obaro na?
ỌDJẸKOKO
Bọn oyerinkugbe wẹn vẹ Jihova ganphiyọ ọkieje ji vwo obo wọ vwọtua vwẹ ẹga rọyen. Ọtiọyena, kẹ wo se vwo omavwerhovwẹn bẹdẹ!
Ẹrhomafuẹrẹn
-
Diesorọ wo se vwo vwo imuẹro nẹ Jihova cha chọn wẹ uko vwọ fuevun ga?
-
Mavọ yen wọ sa vwọ bọn oyerinkugbe wẹn vẹ Jihova ganphiyọ?
-
Mavọ yen obo ra vwọ tua vwẹ ẹga ri Jihova sa vwọ chọn wẹ uko?
HIẸ GUỌNỌ
Die yen ma ghanre vwọ kẹ Jihova, evun-ẹfuon rẹ ẹdẹ ọvo gbanẹ a vwọ ga bẹdẹ?
Aghọghọ je sa va idibo ri Jihova re fuevun abọ. Mrẹ obo ra sa vwọ rhoma vwo aghọghọ.
Mavọ yen wo se vwo vwo obo ra vwọ tua je yanmu ayen?
“Vwẹ Obo ra Vwọ tua vwẹ Ukoko na Vwo Jiri Ọmemama Wẹn” (Uwevwin Orhẹrẹ ri July 15, 2004)
Diesorọ ọ vwọ dia obo re ghanre Onenikristi vwo yerin tedje, kẹ mavọ yen wo se vwo yerin tedje?
“Yerin Tedje—‘Ẹdẹ Rode ri Jihova Sikẹrẹ Re’” (Uwevwin Orhẹrẹ ri May 15, 2009)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
