AWAKE! Ukeri 2 2018 | Erọnvwọn 12 re sa Nẹrhẹ Orua Phikparobọ
Erọnvwọn 12 re sa Nẹrhẹ Orua Phikparobọ
Avwanre nyo erọnvwọn buebun kpahen erua ri vwo ebẹnbẹn. Ẹkẹvuọvo e jẹ e yono kpahen obo re nẹrhẹ erua phiẹkparobọ
Vwẹ uvwre rẹ ukpe ri 1990 fiẹ 2015, ihwo re vrẹ ẹgbukpe 50 re re fan orọnvwe vwẹ ọhwọhwọ ivẹ vwo bun vrẹ obo ri jovwo, e re vrẹ ẹgbukpe 65 da rha vwẹ ọhwọhwọ erha vwo bun vrẹ obo ri jovwo.
Emiọvwọn gbe riẹn oborẹ ayen ru-u, egberiariẹn evo tare nẹ a pẹpẹ emọ ji jiri ayen ọkieje, jẹ efa tanẹ a vwẹ obọ ọgangan vwọ yọnrọn ayen.
Ighene buebun vwo aghwanre rọ cha nẹrhẹ ayen phikparobọ tavwen ayen ki te ẹdia rẹ omiragua-a.
Ẹkẹvuọvo, vwọrẹ uyota . . .
Orọnvwe sa vọn vẹ omavwerhonvwẹn je dia oyerinkugbe ri bẹdẹ.
Emiọvwọn se yono obo ra ghwọkuẹ emọ rayen vwẹ idjerhe rẹ ẹguọnọ.
Ighene se vwo aghwanre ro fori ayen se vwo phikparobọ ọke rẹ ayen de te imiragua.
Vwẹ idjerhe vọ? Awake! nana cha ta ota kpahen erọnvwọn 12 re sa nẹrhẹ orua phikparobọ.
1: Evun-ẹfuọn
Iroroẹjẹ erha sa nẹrhẹ ihwo re rọvwọnre dia kugbe.
2: Ọwiankugbe
Ọrivẹ rẹ orọnvwe wẹn họhọ ohwo ro di nene uwe dia uwevwin?
3: Ọghọ
Yono eta vẹ iruemu ri se brọghọ phiyọ ọrivẹ wẹn oma.
4: Evwoghovwo
Die yen sa nẹrhẹ wọ kpairoro vrẹ ijẹgba rẹ ọrivẹ wẹn?
5: Otaẹtakuẹgbe
Owọẹjẹ erha se si we kẹrẹ emọ wẹn phiyọ.
6: Ọghwọku
Ọghwọku nẹrhẹ a vwẹ ẹro okueku vwo nẹ ọmọ?
7: Iwan
Iwan vọ yen fori nẹ wo yono emọ wen?
8: Udje
Wọ da guọnọ nẹ eta wẹn te ubiudu rẹ emọ wẹn, kẹ ofori nẹ wo ru nene oborẹ wọ tare.
9: Oka rẹ Ohwo rẹ Wọ Hepha
Mavọ yen ighene sa vwọ chochọn rẹ oborẹ ayen vwo imuẹro rọyen?
10: Ẹroẹvwọsuọ
Ẹroẹvwọsuọ rẹ ọsẹ vẹ oni wẹn ghwa owọẹjẹ ọghanghanre ro che sun we kpo omiragua.
11: Ọgbowian
E vwo yono obo ra vwọ wiowian ọgangan kerẹ eghene sa chọn wẹ uko vwo phikparobọ vwẹ akpeyeren.
12: Oboravwọtua
Wọ da yanmu ẹkẹn ru wo bru kẹ oma, ọ cha nẹrhẹ uduefiogbere wẹn ganphiyọ, o che ru oyerinkugbe wẹn vẹ ọ rẹ igbeyan wẹn ganphiyọ je nẹrhẹ wo vwo omavwerhovwẹn.
Ukẹcha Efa Vwọ kẹ Orua
Uchebro ri Baibol na sa chọn wẹ uko vwo phikparobọ ji vwo omavwerhovwẹn vwẹ orua wẹn.
