VWỌ KẸ IHWO RE RỌVWỌNRE
4: Evwoghovwo
OBORẸ O MUDIAPHIYỌ
Evwoghovwo mudiaphiyọ re vwo si ẹwẹn nẹ oruchọ je kpairoro vrẹ ogbeku re sa vwomaphia. Ọ dianẹ kẹ evwoghovwo mudiaphiyọ nẹ e di si ẹwẹn nẹ oruchọ yẹrẹ e vwo no nẹ e gbe avwanre ku-u.
UCHEBRO RI BAIBOL: “Ohwohwo chirako kẹ ohwohwo, fobọ si ophu nẹ evun rere ohwohwo vwo ghovwo ohwohwo nẹ otọ rẹ evun rhe.”—Kọlose 3:13.
“Wo de vwo ẹguọnọ rẹ ohwo, ewene rẹ ohwo na davwẹngba vwo ruẹ ọyen wọ cha tẹnrovi ukperẹ ijẹgba rọyen.”—Aaron.
OBORESORỌ Ọ VWỌ GHANRE
Wo de phi eta phiyọ evun, wọ sa so okpetu vwọ kẹ ugboma vẹ iroro wẹn; wọ sa tobọ hra orọnvwe wẹn dede.
“O vwo ọkiọvo rẹ ọshare mẹ vwo yovwunu kẹ vwẹ fikirẹ orọnvwọn ọvo ro ru vwe rọ da vwẹ te erhi. Ọ bẹn kẹ vwẹ mi vwo vwo ghovwo. Dede nẹ mi vwo ghovwo, jẹ ọ da vwẹ nẹ mi fobọ ru ọtiọye-en. Ọ so oyangha phiyọ oyerinkugbe rẹ avwanre.”—Julia.
OBO WO SE RU
DAVWEN OMA WẸN NI
Ọke ọfa rẹ ọrivẹ rẹ orọnvwe wẹn de gbe we ku womarẹ obo rọ tare yẹrẹ o ruru, nọ oma wẹn:
-
‘Orọnvwọn fobọ da vwẹ?’
-
‘Ogbeku na brare mamọ te ẹdia re vwo yovwunu kẹ vwẹ, gbanẹ me ghwa sa kpairoro vrẹ?’
NENE ỌRIVẸ WẸN TA OTA KPAHEN ENỌ NANA
-
Brọke yen ọ reyọ avwanre ki se vwo ghovwo ohwohwo?
-
Die yen avwanre se ru rere avwanre sa ra fobọ vwo ghovwo ohwohwo?
IROROẸJẸ
-
Ọrivẹ wẹn de gbe we ku, wo roro nẹ o vwo orharhe iroro kpahen owẹ-ẹ.
-
Davwẹngba wo vwo ghovwo ọrivẹ wẹn fikirẹ uruemu rọyen, karophiyọ nẹ “avwanre sheri vwẹ oma rẹ emu buebu.”—Jems 3:2.
“Evwoghovwo lọhọ siẹrẹ ihwo ivẹ na de ru chọ, ẹkẹvuọvo ọ bẹn siẹrẹ ọ da dianẹ ohwo ọvo yin ru chọ. Omaevwokpotọ yen cha nẹrhẹ avwanre se rhiabọreyọ unu eyovwo ji vwo ghovwo.”—Kimberly.
UCHEBRO RI BAIBOL: “Fobọ rhuẹrẹ.”—Matiu 5:25.
Wo de phi eta phiyọ evun, wọ sa so okpetu vwọ kẹ ugboma vẹ iroro wẹn; wọ sa tobọ hra orọnvwe wẹn dede
