Siẹrẹ aye gbe ọshare da wian kuẹgbe vwẹ orọnvwe kẹ ayen vwo ẹwẹn vuọvo kirobo rẹ ihwo ivẹ re djẹ aropleni ji vwo ẹwẹn vuọvo. Ebẹnbẹn da vwomaphia, ihwo re rọvwọnre roro kpahen “avwanre” ukperẹ “mẹvwẹ” ọvo.

UCHEBRO RI BAIBOL: “Fiki rẹ eriyin na ayen gbe hẹ ihwo ivẹ ọfa a, ẹkẹvuọvo ayen kẹ oma ọvo.”—Matiu 19:6.

“Ofori aye gbe ọshare vwọ wian kugbe rere ayen se vwo phikparobọ.”—Christopher.

Ọke rẹ ebẹnbẹn da vwomaphia, aye gbe ọshare re wian kuẹgbe-e cha họnre ohwohwo ukperẹ ebẹnbẹn na. Ẹmẹghwọ ko che ri hirhephiyọ egbabọse rode.

“Ọwiankugbe pha ghanghanre vwevunrẹ orọnvwe. Mẹ vẹ ọshare mẹ gbe wian kuẹgbe-e, avwanre cha họhọ ihwo ivẹ re de dia uwevwin ọvo kuẹgbe ri vwo ẹwẹn ọvo-o. Ọnana cha dia egbabọse siẹrẹ avwanre da guọnọ brorhiẹn eghanghanre evo.”—Alexandra.

DAVWEN OMA WẸN NI

• Mi nẹ igho ri mi vwori kerẹ “ọmẹ ọvo”?

• Siẹrẹ ọrivẹ mẹ rha hẹ asan me hepha-a yen oma me vwo fu vwe?

• Mi bru oma nẹ ihwo rẹ orua rẹ ọrivẹ mẹ, ọ da tobọ dianẹ ọ vẹ ayen vwo oyerinkugbe ọkpẹkpẹkpẹ?

NENE ỌRIVẸ WẸN TA OTA KPAHEN ENỌ NANA

• Ẹdia vọ vwẹ orọnvwe avwanre yen a da nabọ wian kuẹgbe?

• Ẹdia vọ yẹn e de se ru yovwin?

• Owọẹjẹ vọ yẹn avwanre se nene rọ sa chọn avwanre uko vwọ wian kugbe?

IROROẸJẸ

• Vwẹ ẹwẹn roro nẹ wẹ vẹ ọrivẹ wẹn fa igemu rẹ itẹnisi jẹ ovwan fa vwọso ohwohwo. Ukperẹ ọyena, die wo se ru rere ovwan sa vwọ dia ẹbẹre ọvo vwẹ igemu na?

• Ukperẹ wo vwo roro nẹ ‘Mavọ mi se vwo phikparobọ?’,roro kpahen ‘Mavọ avwanre se vwo phikparobọ?’

“Kpairoro vrẹ ohwo ro ru yovwin yẹrẹ ohwo ro ru chọ kidie ọyena ghanre te ufuoma vẹ oyerinkugbe vwẹ orọnvwe wẹ-ẹn.”—Ethan.

UCHEBRO RI BAIBOL: “E jẹn ohwo guọnọ erhuvwu rẹ oma rọye ọvo-o, ẹkẹvuọvo ovwan je guọnọ erhuvwu rẹ ihwo efa.”—Filipae 2:3, 4.