Vwọ vrẹ ẹga rẹ avwanre vwọ kẹ Jihova vwẹ Ọguan Ruvie, isikoko, vẹ eghwẹkoko, avwanre ohwo ọvuọvo je ga komobọ, ọtiọyen avwanre je vwẹ ẹga kẹ kerẹ orua. Ni iroroẹjẹ evo wo se vwo ruiruo vwẹ uyono romobọ wẹn vẹ ẹga orua:

• Muegbe vwọ kẹ uyono. Wo se yono ine na je vwẹ ukẹcha kẹ ihwo rẹ orua wẹn vwo muegbe rẹ enọ rẹ ayen cha kpahenphiyọ.

• Se ikuegbe ri Baibol ọvo. Rere wo si uhoho rẹ ikuegbe na phiyotọ yẹrẹ si oborẹ wo yono vwo nẹ ikuegbe na phiyotọ.

• Se kpahen ẹrhovwo ọvo rọhẹ Baibol na, wo roro kpahen oborẹ ẹrhovwo yena sa vwọ cha wẹ uko vwo ru ẹrhovwo wẹn yovwinphiyọ.

• Ni ividio ọvo vwẹ jw.org, rere wẹ vẹ ihwo efa ta ota kpahen ividio na yẹrẹ si oborẹ wo yono vwo nẹ ividio na phiyotọ.

• Muegbe vwọ kẹ iruo aghwoghwo na, ọkiọvo wẹ vẹ ohwo rẹ orua wẹn ọvo se ru udje rẹ oborẹ wo che ghwoghwota wan.

• Ni emama ri Jihova wo ji roro kpahen ayen yẹrẹ nene ohwo ọfa ta ota kpahen obo ro yono uwe kpahen Jihova. a