Ọghẹnẹ Vwo Ọdavwẹ Wẹn
BAIBOL na yen ọbe ro me yovwin ro vwo odjekẹ sansan re sa vwẹ ukẹcha kẹ avwanre. Ọ dia ọbe rọ vwẹ odjekẹ phia kpahen omaesivwo-o, ẹkẹvuọvo ọ sa chọn avwanre uko vwo yerin ghene ẹdia rẹ ofudjevwe, iroro ro wene cha wene kpo, omaemuophiyọ ọgangan, ophu kugbe ebẹnbẹn rẹ ọga iroro efa.
Ọ rọ ma rho, Baibol na vwẹ imuẹro kẹ avwanre nẹ Ọmemama rẹ avwanre rọ dia Jihova Ọghẹnẹ, a vwo ẹruọ rẹ iroro vẹ oborẹ oma ruẹ avwanre vrẹ kohwo kohwo. O vwo owenvwe ọ vwọ chọn avwanre uko vwo yerin ghene ebẹnbẹn sansan rẹ avwanre hirharokuẹ. Kerẹ udje, roro kpahen uchebro rẹ ẹkpo ri Baibol ivẹ nana:
“Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre.”—UNE RẸ EJIRO 34:18.
“Mẹvwẹ, rẹ Ọrovwohwo Ọghẹnẹ wẹn, yọnrọn obọrhe wẹn; Mẹvwẹ re ta kẹ wẹ, Wọ djẹ oshọ-ọ Me sa cha wẹ uko.”—AIZAYA 41:13
Kẹ, mavọ yen Jihova vwọ chọn avwanre uko vwo yerẹn ghene ọga iroro? Kirobo wọ cha mrẹ vwẹ iyovwinreta re vwọ kpahọn ọnana, Jihova djephia nẹ o vwo ọdavwẹ rẹ avwanre vwẹ idjerhe sansan.
a Jihova yen oderhi rẹ Ọghẹnẹ.—Une rẹ Ejiro 83:18.
