WỌ TANẸ Idẹbono . . .

• Amakashe?

• Umwemwu rọhẹ evun rẹ ohwo?

• Iroro rẹ ohworakpọ ghevweghe?

OBORẸ BAIBOL NA TARE

Idẹbono nene Jesu ta ota, ọ je “davwọ ni.” (Matiu 4:1-4) Ọtiọyena, Idẹbono dia iroro rẹ ohworakpọ ghevweghe-e, yẹrẹ umwemwu rọhẹ evun rẹ ohwo-o. Ọyen amakashe ọbrabra.

DIE ỌFA YEN BAIBOL NA SE YONO AVWANRE?

• Ẹsosuọ, Idẹbono, omamọ rẹ amakashe, ẹkẹvuọvo “uyota rhere” kakaka-a. (Jọn 8:44) Ọ da rhe dia ọvwọrọn ofian, o de ji gbevwọso Ọghẹnẹ.

• Emekashe efa vwomaba Eshu vwo gbevwọso Ọghẹnẹ.—Ẹvwọphia 12:9.

• Idẹbono rhuẹro rẹ ihwo buebun, ayen rha riẹn nẹ ọ herọ-ọ.—2 Kọrẹnt 4:4.

IHWO EVO TARE nẹ ọyen ophiẹnvwe ra vwọ tanẹ Idẹbono sun ihwo, oshọ rẹ ẹwẹn rẹ Idẹbono vwọ ro ayen oma ko rhe muẹ ihwo efa. Die wo rorori?

OBORẸ BAIBOL NA TARE

“Akpọ na ejobi hẹ obo rẹ ogangan rẹ ohwo umwemwu na.” (1 Jọn 5:19) Idẹbono vwẹ ẹgba ro vwo sun akpọneje, ẹkẹvuọvo ọ diẹ ihworakpọ eje yehẹ otọ rẹ usuon rọye-en.

DIE ỌFA YEN BAIBOL NA SE YONO AVWANRE?

• Idẹbono phiẹn ihwo mamọ.—2 Kọrẹnt 11:14.

• Ẹwẹn rẹ Idẹbono sa ro oma rẹ ihwo evo.—Matiu 12:22.

• Womarẹ ukẹcha rẹ Ọghẹnẹ, avwanre se “hirhe aro ku Idẹbono,” ji phio kparobọ.—Jems 4:7.