UWEVWIN ORHẸRẸ—Ọ RE YONO December 2017
Uwevwin Orhẹrẹ nana vwo iyovwinreta re che yono vwẹ January 29 fiẹ February 25, 2018.
“Me Riẹnre nẹ O Che Vrẹn”
Die yen kẹ avwanre imuẹro nẹ evrẹnushi herọ vwẹ obaro na?
Mi Vwo “Iphiẹrohọ Kpahen Ọghẹnẹ”
Diesorọ evrẹnushi na vwọ dia ọvo usun rẹ iyono re mu segbuyota rẹ avwanre kpahen?
Wọ Karophiyọ?
ọ nabọ frẹkotọ se ọbe Uwevwin Orhẹrẹ rẹ emeranvwe evo re wanre na? Davwẹngba sẹ wọ sa kpahenphiyọ enọ nana.
Enọ rẹ Ihwo ri Se Ẹbe Avwanre Nọre
Vwẹ Izrẹl awanre, e churu urhiẹ rẹ Mesaya na che nurhe si ọmọ ọkpako?
Enọ rẹ Ihwo ri Se Ẹbe Avwanre Nọre
Ẹro rẹ Inenikristi vwo ni IUD ra vwọ dobọ rẹ evwiẹ jẹ, vẹ ọ rẹ Baibol na vwo no shephiyọ?
Emiọvwọn—Ovwan Chọn Emọ rẹ Ovwan Uko Vwọ ‘Ghwanre Vwọ kẹ Usivwin’
Udu bru emiọvwọn buebun siẹrẹ emọ rayen da guọnọ vwomakpahotọ kẹ Ọghẹnẹ ji bromaphiyame. Mavọ yen ayen sa vwọ chọn emọ rayen uko vwọ sẹro rẹ ẹguọnọ rayen rere ayen sa vwọ rho te esivwo?
Ighene—“Ovwan . . . Wian Owian rẹ Esivwo rẹ Ovwan Phia”
Dede nẹ omaebrophiyame ọyen owọẹjẹ rọ pha ghanghanre, ofori nẹ ighene djoshọ rọye-en.
IKUEGBE RẸ AKPEYEREN
Me Yanjẹ Emu Ejobi Vwo, Rere Mi se Vwo Nene Onini Na
Ẹgbukpe 16 yen Felix Fajardo hepha ro vwo brorhiẹn nẹ ọ cha dia odibo rẹ Jesu. Ẹgbukpe 70 soso wanre, jẹ ọ je rhe mrẹ obo re cha nẹrhẹ ọ viẹ idiekpọvwẹ fikirẹ orhiẹn ro bruru na-a.
Iyovwinreta re Vwomaphia Vwẹ Uwevwin Orhẹrẹ rẹ 2017
ọrhuẹrẹphiyotọ nana cha chọn wẹ uko vwọ mrẹ iyovwinreta re vwomaphia vwẹ Uwevwin Orhẹrẹ rẹ 2017.
