Wọ sa kpahenphiyọ enọ nana ra reyọ nẹ Uwevwin Orhẹrẹ ri 2019?

Die yen ive rẹ Ọghẹnẹ nana mudiaphiyọ: “Orọvwọ re duvwu vwọ so owẹ se yovwi-i”? (Aiz. 54:17)

Avwanre vwo imuẹro nẹ Jihova cha sẹro rẹ avwanre vwo nẹ “ova rẹ ohwo ogbarogba.” (Aiz. 25:4, 5) Ivwighrẹn cha sa so omaẹwan ri bẹdẹ kẹ avwanre-e.—w19.01, pp. 6-7.

Mavọ yen oborẹ Jihova vẹ ihwo ri Kanan kugbe ihwo rẹ Izrẹl ri jẹmienyo yerin wan dje orhiẹn-ebro abavo rọyen phia?

Ọghẹnẹ vwẹ oja re ihwo ri shenyẹ eyauku vẹ emọphrorivwin. Ẹkẹvuọvo, o ku ebruphiyọ ku otu ri fuevun kẹ, ji nene irivẹ rayen yerin vwẹ idjerhe abavo.—w19.02, pp. 22-23.

Die yen avwanre ke ru siẹrẹ ohwo rọhẹ ukoko na-a da nẹrhovwo vwẹ irharo rẹ avwanre?

Avwanre sa fọ, ji mu oma phiyọ ọghọ. Ẹkẹvuọvo, avwanre che se ru “isẹ” phiyọ ẹrhovwo na, yẹrẹ rhọnvwe nẹ a yọnrọn obọ rẹ avwanre-e. Avwanre sa nẹrhovwo phiyọ evun.—w19.03, p. 31.

Diesorọ re vwo gbe ọmọtete ẹgua vwọ dia umuemu ro vwo ọkpan?

Re vwo gbe ọmọtete egua, ọyen umwemwu vwọso ọmọ re gbe ẹgua na, ukoko na, ogangan rẹ usuon, kugbe Ọghẹnẹ. Vwẹ ẹkuotọ rẹ irhi tiọyena hepha, ekpako na davwẹngba vwo ruẹ nene irhi na, rẹ ayen vwọ niyẹnrẹn rẹ ohwo ọtiọyena vwọ kẹ ihwo ri suẹn.—w19.05, pp. 9-10.

Mavọ wo se vwo wene ẹgba iroro wẹn?

Idjerhe evo kiriguo yen: Ta ota kẹ Jihova vwẹ ẹrhovwo. Nabọ fuẹrẹn oma wẹn. Vwẹ aghwanre sane igbeyan wẹn.—w19.06, p. 11.

Die yen e se ru enẹna rẹ vwo muegbe kẹ omukpahen?

Ofori nẹ e ru oyerinkugbe avwanre vẹ Jihova ganphiyọ. Vwo imuẹro nẹ o vwo ẹguọnọ wẹn, ọ je cha sen wẹ-ẹn. Se Baibol na kẹdẹ kẹdẹ ji nẹrhovwo ọkieje. Vwo imuẹro nẹ ive rẹ Uvie rẹ Ọghẹnẹ che rugba. Riẹn ẹkpo ri Baibol ri me je we vẹ ine rẹ ukoko na kuyovwin.—w19.07, pp. 2-4.

Die yen e se ru vwọ chọn imoni avwanre uko?

Ofori nẹ avwanre dje erorokẹ phia, o ji fo nẹ omamọ rẹ uruemu rẹ avwanre dia uvi rẹ oseri, avwanre me je dia ihwo ri vwo odirin vẹ aghwanre.—w19.08, pp. 15-17.

Mavọ yen avwanre se vwo vwo ufuoma kirobo rẹ Jesu veri vwẹ Matiu 11:28?

Avwanre vwo iniruo ri me yovwin, igbeyan ri me yovwin kugbe iruo ro me yovwin.—w19.09, p. 23.

Mavọ yen Jihova sa vwọ kẹ avwanre ẹgba vẹ oruru re se vwo ru obo ra guọnọ ru? (Fil. 2:13)

Avwanre de se Ota rẹ Ọghẹnẹ ji roro kpahọn, Jihova se ru avwanre gan je kẹ avwanre owenvwe vẹ ẹgba re vwo ru oborẹ avwanre guọnọ ru. Ọ sa vwẹ ẹwẹn ọfuanfon rọyen vwo ru ona rẹ avwanre vwori yovwinphiyọ.—w19.10, p. 21.

Owọẹjẹ rẹ aghwanre vọ yen ofori nẹ a jẹ tavwen e ki brorhiẹn?

Owọẹjẹ iyorin na yen: Nabọ ru ehiahiẹ. Yare aghwanre mie Jihova. Fuẹrẹn iroro ro mu we vwo brorhiẹn na. Bru ẹkẹn kẹ oma. Vwo ẹro abavo.—w19.11, pp. 27-29.

A sa tanẹ efian rẹ Eshu gun kẹ Ivi yen uyono rẹ erhi ghwẹ-ẹ na nurhe?

Ọ ghwa dia ọtiọye-en. Ọ dia Eshu vuẹ Ivi nẹ ọ cha de họhọ nẹ o ghwuru-u, ọ vuẹrẹ nẹ o che ghwu kakaka-a. Iyono rẹ ẹga rẹ efian vuọvo sivwin wan Oghwe na-a. Ọ sa dianẹ uyono rẹ erhi ghwẹ-ẹ na tonphiyọ tavwen Ọghẹnẹ ki tighi ephẹrẹ rẹ ihwo re bọn uwevwin ri Babel.—w19.12, p. 15.