UWEVWIN ORHẸRẸ—Ọ RE YONO February 2020
Uwevwin Orhẹrẹ nana vwo iyovwinreta re che yono vwẹ April 6–May 3, 2020.
Ọsẹ rẹ Avwanre Jihova Vwo Ẹguọnọ rẹ Avwanre Mamọ
Avwanre se vwo imuẹro nẹ Ọsẹ rẹ avwanre rọhẹ odjuvwu vwo ẹguọnọ rẹ avwanre, ọ vwẹrote avwanre, ọ je cha yanjẹ avwanre vwo-o.
Avwanre Vwo Ẹguọnọ rẹ Ọsẹ rẹ Avwanre Jihova Mamọ
Yono kpahen erọnvwọn evo kiriguo rẹ avwanre se ru vwo dje ẹguọnọ rẹ avwanre phia kẹ Ọsẹ rẹ avwanre Jihova.
Họnre Vwọso Omaẹriọ Wo Vwo Vwo Ufuoma
Ọkiọvo, avwanre vẹ iroro rẹ omaẹriọ se muabọ. Yono kpahen idjerhe wọ sa vwọ họnre vwọso omaẹriọ vẹ obo re se vwo toroba ufuoma rọhẹ uvwre rẹ avwanre.
Jẹ Jihova Bru We Uche
Hanah, ọyinkọn Pọl, kugbe Ovie Devid nene ẹnwan muabọ. Die yen e se yono vwo nẹ idjerhe ri Jihova vwo bru ayen ọvuọvo uche?
IKUEGBE RẸ AKPEYEREN
Obo Mi Yono nẹ Omamọ rẹ Udje rẹ Iniọvo Nẹrhẹ Me Mrẹ Ebruphiyọ Gbidiki
Oniọvo Léonce Crépeault gbikun oborẹ omamọ rẹ udje rẹ iniọvo chọn rọ uko vwo phi oshọ rọyen kparobọ je mrẹ ebruphiyọ gbidiki vwẹ ikpe 58 rọ ghwọrọphiyọ ẹga rẹ ọkieje re na.
Wọ Riẹnre Jovwo?
Mavọ yen ekuakua rẹ awanre ra tọn mrẹ vwo dje ẹdia ri Bẹlshaza hepha vwẹ Babilọn?
