UWEVWIN ORHẸRẸ—Ọ RE YONO January 2017
Uwevwin Orhere nana vwo iyovwinrota re che yono vwo nẹ February 27 fiẹ April 2, 2017.
Ayen Vwomakpahotọ Ọphọphẹ
Iniọvo eya re ga vwẹ ẹkuotọ oshesheri mrẹrẹ bẹnbẹn ayen vwo brorhiẹn na ẹsosuọ. Die yen kẹ ayen uduefiogbere? Die yen uphẹn rẹ ẹga nana yono ayen re?
“Vwẹ Ẹro so Ọrovwohwo, ru Wo Ru Ọ rẹ Esiri”
Jihova guọnọ ro vwo ru oborẹ avwanre che se ru-u vwọ kẹ avwanre. Dedena, ọ je guọnọ nẹ a davwẹngba avwanre. Mavọ yen uyovwinrota rẹ ukpe rẹ 2017 na chọn avwanre uko vwọ vwẹ ẹro abavo vwo ni ẹdia na?
Ni Egbomọphẹ Wẹn Ghanghanre
Die yen egbomọphẹ kẹ die yen Baibol na ta kpahọn? Mavọ wo se vwo muọghọ kẹ egbomọphẹ rẹ ihwo efa?
Oboresorọ Omaevwokpotọ Vwọ Ghanre
Die yen omaevwokpotọ? Diesorọ ọ vwọ dia uruemu ọghanghanre ro fori nẹ e vwo?
Wọ sa Vwomakpotọ Vwẹ Ọke rẹ Ebẹnbẹn
Mavọ yen a sa vwọ vwomakpotọ siẹrẹ ẹdia avwanre de wene, a da hanrhe avwanre yẹrẹ e de jiri avwanre, kugbe ọke re de brorhiẹn?
“Vwẹ Ayen Yono Ihwo ri Vwo Esegbuyota”
Ukẹcha vọ yen iniọvo re kpakore sa vwọ kẹ ighene rere ayen se vwo mu oghwa rẹ ukoko na? Mavọ yen ighene na se vwo djephia nẹ ayen ni iniọvo re kpakore na ghanghanre?
Wọ Riẹnre Jovwo?
Vwẹ ọke rẹ awanre, mavọ yen a vwọ hwarhiẹ erhanre vwo nẹ asan kpo asan?