Wọ nabọ frẹkotọ se ọbe Uwevwin Orhẹrẹ rẹ emeranvwe evo re wanre na? Ọ da dia ọtiọyen, gba davwẹngba sẹ wọ sa kpahenphiyọ enọ nana:

Erọnvwọn ẹne vọ yen e se ru rere ona rẹ une ẹsuọ rẹ avwanre se vwo yovwinphiyọ?

Kpare ọbe une wẹn kpenu rere wọ sa nabọ riẹn mudia. Nabọ wẹn totọ. A da nabọ rhie unu phiyọ, ka sa so une na phia gori gori.​—w17.11, aruọbe 5.

Die yen vwerhoma kpahen asan rẹ irere rẹ adjarhọ na hepha kugbe idjerhe ra wan fiẹ ayen?

Irere adjarhọ esan yen herọ, a je nabọ rhuẹrẹ idjerhe ra wan fiẹ ayen. Ọtiọyena, ọ rẹ obọ chọre hwe ohwo kọ sa fobọ djẹ te ọ rọ ma kẹrẹ.​—w17.11, aruọbe 14.

Diesorọ ọtanhirhe na vwọ dia okẹ ro me yovwin kparobọ?

O ru orugba rẹ ọdavwẹ rẹ avwanre kpahen arhọ, o ji che si avwanre vwo nẹ abọ rẹ umwemwu vẹ ughwu. Ẹguọnọ rẹ Jihova vwo kpahen emọ rẹ Adam yen nẹrhẹ o siobọnẹ Jesu dede nẹ avwanre jẹ irumwemwu.​—wp17.6, aruẹbe 6-7.

Mavọ yen Une Rẹ Ejiro 118:22 vwọ rionbọ phiyọ evrẹnushi rẹ Jesu?

A sen Jesu rọ dia Mesaya na, e de ji hwe. Jẹ, o che vrẹnushi rhe tavwen ọ ke sa dia “ọrovwuyovwi [yẹrẹ osusu] vwẹ ubienyẹ.”​—w17.12, aruẹbe 9-10.

E churu urhiẹ rẹ Mesaya na che nurhe si ọmọ ọkpako?

Ọ ghwa dia ihwo eje rehẹ urhiẹ rẹ Jesu wan rhe na yen emekpako-o. Ọ dia Devid yen ọmọkpako rẹ Jẹse-e. Dedena, urhiẹ rẹ Devid yen Mesaya na nurhe.​—w17.12, aruẹbe 14-15.

Erhọ yen uchebro evo rẹ Baibol na vwọphia kpahen omakpokpọ?

Urhi rẹ Mosis djere nẹ a hẹriẹ ihwo re muọga sansan. Ihwo me hworhẹ abọ siẹrẹ ayen de djobọte ohwo ro ghwuru. Urhi rẹ Mosis tare nẹ e bekpẹn rhurhu isọn rẹ ihworakpọ. Ẹdẹ ẹrenren da wan nu, ka yanvwe ọmọshare re vwiẹre, kidie ọke yena jẹ ọbara rọyen vwo ẹgba ro se vwo dje re.​—wp18.1, aruọbe 7.

Diesorọ o vwo fo nẹ e vwo ẹguọnọ abavo kpahen omobọ rẹ ohwo?

Vwo ẹguọnọ rẹ ọrivẹ wẹn kirobọ wọ guọnọ oma wẹn. (Mak 12:31) E jẹ eshare “guọnọ eya rayen kerẹ omobọ rayen.” (Ẹfe. 5:28) Ẹkẹvuọvo, ẹguọnọ se hirhephiyọ ọ rẹ urhuru.​—w18.01, aruọbe 23.

Erhọ yen owọẹjẹ evo re sa nẹrhẹ a yan obaro?

E jẹ avwanre muomaphiyọ uyono rẹ Baibol na, rere e roro kokodo kpahen obo re seri, ji ru nene. E jẹ avwanre vwẹ uphẹn kẹ ẹwẹn ọfuanfon rẹ Ọghẹnẹ nẹ o sun avwanre, e mi ji rhiabọreyọ ukẹcha mie ihwo efa.​—w18.02, aruọbe 26.

Diesorọ ihwo ri ni isio vẹ ebọepha cha sa vuẹ avwanre oborẹ obaro na cha dia-a?

O vwo erọnvwọn buebun re sorọ, jẹ ọ rọ ma kenu yen Baibol na vwọso uruemu re vwo ni isio vẹ ephaẹbọ.​—wp18.2, aruẹbe 4-5.

Ẹro vọ yen ofori nẹ e vwo ni udemu re durhie avwanre ra?

Avwanre de rhiabọreyọ edurhie, avwanre me davwẹngba vwọ yanmuo. (Une 15:4) Ọ sa dianẹ ohwo ro durhie avwanre na, nabọ ghwọrọ ọke vwo muegbe hẹrhẹ avwanre nure.​—w18.03, aruọbe 18.

Die yen eshare re vwo mu se yono mie Timoti?

Timoti vwo ọdavwẹ rẹ ihwo, o ji phi ẹga rẹ Jihova phiyọ ẹdia rẹsosuọ. O muomaphiyọ iruo rẹ ẹga na, o ji ru nene obo re yoniro. Ọkeneje yen o vwo yono oma rọyen, ọ je vwẹroso ẹwẹn ọfuanfon rẹ Jihova. Ekpako rẹ ukoko vẹ iniọvo na sa vwẹrokere Timoti.​—w18.04, aruọbe 13-14.