Wo Jẹ Emu Vuọvo Djẹ Wẹ Osa na Ẹreyọ-ọ
“Pharha kpo obaro fiki rẹ osa . . . na.”—FIL. 3:14.
1, 2. (a) Osa vọ yen idibo rẹ Ọghẹnẹ hẹrhẹ? (b) Die yen cha chọn avwanre uko vwọ tẹnrovi osa na? (Ni uhoho rẹsosuọ na.)
KERẸ ọyinkọn Pọl, Inenikristi ra vwẹ ẹwẹn ọfuanfon jẹreyọ vwo iphiẹrophiyọ rẹ ayen che vwo vwo “osa rọ hẹ use na vwẹ obenu.” (Fil. 3:14) Ayen rhẹro rẹ ọke rẹ ayen che vwo nene Jesu sun vwẹ obo odjuvwu, ji ru ihworakpọ phiyọ ihwo egbagba. (Ẹvwọ. 20:6) Ghini okpuphẹn rode yen Ọghẹnẹ rhiephiyọ kẹ ayen! Igegede efa na vwo iphiẹrophiyọ rọ fẹnẹre. Ayen rhẹro rẹ ọke rẹ ayen cha vwọ dia otọrakpọ na bẹdẹ bẹdẹ. Iphiẹrophiyọ nana kẹ ayen omavwerhovwẹn!—2 Pita 3:13.
2 Kidie nẹ Pọl guọnọre nẹ Inenikristi ra jẹreyọ na fuevun rere osa na se vwo te ayen obọ, o de bru ayen uche nẹ, “We gbe ni emu rọ hẹ obenu.” (Kọl. 3:2) Ofori nẹ ayen vwẹ ọkieje vwọ tẹnrovi use rẹ obo djuvwu na. (Kọl. 1:4, 5) Vwọrẹ uyota, siẹrẹ a da vwẹ ọkieje vwo roro kpahen ebruphiyọ rehẹ obaro hẹrhẹ avwanre, ka sa tẹnrovi osa na, owenẹ ọ dia obo djuvwu yẹrẹ otọrakpọ na.—1 Kọr. 9:24.
3. Orhọ-esio vọ yen Pọl vwọ kẹ Inenikristi?
Kọl. 2:16-18) Pọl je ta ota kpahen imuoshọ evo re herọ rhi duvwun nonẹna, re sa nẹrhẹ osa na va avwanre abọ. Kerẹ udje, o dje obo ra sa vwọ kẹnoma kẹ urhurusivwe rẹ ọfanrhiẹn, obo ra sa vwọ rhuẹrẹ ẹghwọ vwevunrẹ ukoko na, kugbe obo re se vwo yerin ghene ebẹnbẹn rẹ orua. Uchebro rọyen je sa chọn avwanre uko nonẹna. Ọtiọyena, e gbe jẹ a fuẹrẹn evo usun rẹ uchebro rọyen rehẹ ọbe ro si rhe iniọvo rehẹ Kọlose.
3 Pọl ji si Inenikristi orhọ kpahen imuoshọ rẹ obo re sa nẹrhẹ osa na va ayen abọ. Kerẹ udje, o si ọbe rhe iniọvo rehẹ Kọlose, ọ da vuẹ ayen kpahen Inenikristi rẹ efian re davwẹngba rẹ ayen vwọ mrẹ ẹroesiri rẹ Jihova womarẹ iruo rẹ Urhi na, ukperẹ ayen vwo se Jesu Kristi gbuyota. (HWE URHURUSIVWE RẸ ỌFANRHIẸN
4. Diesorọ urhurusivwe rẹ ọfanrhiẹn sa vwọ djẹ avwanre osa na ẹreyọ?
4 Pọl vwọ karophiyọ iniọvo na kpahen iphiẹrophiyọ rayen nu, o de si: “Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo.” (Kọl. 3:5) Urhurusivwe rẹ ọfanrhiẹn sa gan mamọ, te ẹdia rọ vwọ guọghọ oyerinkugbe rẹ avwanre vẹ Jihova, kugbe iphiẹrophiyọ rẹ avwanre. Oniọvo ọvo ro she ufi rẹ ọfanrhiẹn vwo rhivwin rhe ukoko na nu, ọ da ta: “Ẹgba ro si vwe reyọ na ganre mamọ, mi ki rhi nomaso ji mi she re.”
5. Mavọ yen a sa vwọ kẹnoma siẹrẹ a da hẹ ẹdia rẹ imuoshọ?
5 Ofori nẹ avwanre nomaso siẹrẹ e de hirharoku ẹdia re sa nẹrhẹ avwanre churhi rẹ Jihova. Kerẹ udje, ofori nẹ ihwo ivẹ re guọnọ kọn phiyọ ohwohwo fobo jiroro rẹ oborẹ ayen sa vwọ kẹnoma kẹ uruemu rẹ ayen ọvo vwọ dia asan rọ djahere, unu ẹfiọnfiọn, kugbe uruemu ra vwọ vwẹ obọ frẹ ohwohwo. (Isẹ 22:3) Imuoshọ je sa vwomaphia siẹrẹ Onenikristi de kpo awusheri re ruiruo, oniọvo ọshare de nene aye wian, yẹrẹ oniọvo aye de nene ọshare wian. (Isẹ 2:10-12, 16) Wọ da hẹ ẹdia tiọyen, dje oma phia kerẹ Oseri rẹ Jihova, dje omamọ uruemu phia, wọ me je karophiyọ nẹ okpetu cha rhe siẹrẹ wo de vwo uruemu ra vwọ frẹfrẹ. Ọdavwini na sa gan mamọ, ma rho ọke rẹ avwanre de muomaphiyọ yẹrẹ ra da hẹ ẹdia rẹ ọruvwohwo. Vwẹ ọke tiọyena, avwanre sa guọnọ ohwo ro vwo ọdavwẹ rẹ avwanre, ra sa ta ota kẹ. E rhe nomaso-o, e mi rhi rhiabọreyọ kohwo kohwo ro bru avwanre rhe. Wọ da mrẹ oma wẹn vwẹ ẹdia tiọyen, bru Jihova ra vwọ kẹ ukẹcha, wo mi ji sikẹrẹ iniọvo na. Wo jẹ emu vuọvo djẹ wẹ osa na ẹreyọ-ọ.—Se Une Rẹ Ejiro 34:18; Isẹ 13:20.
6. Die yen ofori nẹ a kọn phiyọ ẹwẹn siẹrẹ a da sane ughe vẹ uhworo?
6 Ofori nẹ a kẹnoma kẹ ughe vẹ uhworo ri titi ọfanrhiẹn, siẹrẹ avwanre da guọnọ hwe urhurusivwe rẹ ọfanrhiẹn. Uruemu rẹ ihwo rẹ Sodọm vẹ Gomora rẹ ọke awanre yen a mrẹ vwẹ ifimu buebun rẹ ọke nana. (Jud 7) Ihwo ri ru ifimu vẹ uhworo, guọnọ phiẹn ihwo vwo roro nẹ emu vuọvo chọre vwẹ ọfanrhiẹn egbe-e, ọmiaovwe tobọ herọ-ọ. Avwanre cha sa rhiabọreyọ koka koka rẹ ifimu vẹ uhworo-o. Ofori nẹ a kẹnoma kẹ erọnvwọn ra vwọ diotọ, re sa nẹrhẹ osa na va avwanre abọ.—Isẹ 4:23.
VWO ẸGUỌNỌ VẸ URUEMU ESIRI “RHUO OMA RIARIẸ”
7. Ebẹnbẹn vọ yen sa vwomaphia vwevunrẹ ukoko na?
7 Ọ vwerhoma nẹ avwanre hẹ evun rẹ ukoko rẹ Jihova. Obicha rẹ iniọvo na vẹ Ota rẹ Ọghẹnẹ re vwo yono avwanre 1 Pita 3:8, 9.
vwẹ emẹvwa, chọn avwanre uko vwọ tẹnroviẹ osa na. Jẹ ọkiọvo, ẹghwọ sa vwomaphia vwẹ uvwre rẹ iniọvo. A rha fobọ rhuẹrẹ phiyọ-ọ, ọ sa so eghrẹn.—Se8, 9. (a) Iruemu vọ yen sa nẹrhẹ avwanre vwo osa na? (b) Mavọ yen a sa vwọ sẹro rẹ ufuoma siẹrẹ oniọvo rẹ ukoko na de gbe avwanre ku?
8 Mavọ yen avwanre sa vwọ kẹnoma kẹ eghrẹn rere osa na se vwo te avwanre obọ? Pọl vwẹ uchebro nana kẹ Inenikristi rẹ Kọlose: “Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri. Ohwohwo chirako kẹ ohwohwo, fobọ si ophu nẹ evun rere ohwohwo vwo ghovwo ohwohwo nẹ otọ rẹ evun rhe: kirobo rẹ Ọrovwohwo vwo ghovwo na, eriyin we ji vwo ghovwo rhe. Ọ rọ marho ejobi, ovwan gbe ku ẹguọnọ phihọ, kọye ufi ro churu ihwo kugbe.”—Kọl. 3:12-14.
9 Ẹguọnọ vẹ uruemu esiri cha nẹrhẹ e se vwo ghovwo ohwohwo. Kerẹ udje, siẹrẹ oniọvo ọvo da ta ota yẹrẹ ru obo re da avwanre, avwanre sa karophiyọ ọke sansan rẹ avwanre komobọ ji vwo gbe ihwo efa ku. Avwanre sa karophiyọ oborẹ oma vwerhen avwanre te, ọke rẹ iniọvo rẹ avwanre gbeku na vwo dje ẹguọnọ vẹ uruemu esiri phia, rẹ ayen vwọ reyọ vwo ghovwo avwanre? (Se Aghwoghwo 7:21, 22.) Oma ji vwerhen avwanre nẹ Kristi dje uruemu esiri phia, ro vwo ruo rẹ avwanre sa vwọ ga kuẹgbe vwẹ ukoko na. (Kọl. 3:15) Avwanre ga Ọghẹnẹ ọvuọvo, ghwoghwo ovuẹ ọvuọvo; ebẹnbẹn buebun rẹ avwanre hirharokuẹ, je họhọ ohwohwo. Avwanre de vwo ghovwo ohwohwo vwọrẹ ẹguọnọ, ke se toroba omamọ rẹ oyerinkugbe vwevunrẹ ukoko na, ji tẹnrovi osa rẹ arhọ na.
10, 11. (a) Diesorọ omaẹriọ vwọ bra? (b) Mavọ yen a sa vwọ kẹnoma kẹ omaẹriọ, rere osa na se vwo te avwanre obọ?
10 Ikuegbe sansan rehẹ evun rẹ Baibol na, chọn avwanre uko vwọ mrẹvughe nẹ omaẹriọ sa nẹrhẹ osa na va avwanre abọ. Kerẹ udje, omaẹriọ yen nẹrhẹ Ken hwe oniọvo rọyen Ebẹl. Korah, Datan, kugbe Abiram gbevwọso Mosis fikirẹ omaẹriọ. Omaẹriọ vuọvo na yen je nẹrhẹ Ovie Sọl jiroro ro vwo hwe Devid. Kọyensorọ Baibol na vwọ ta: “Asan rẹ omaẹriọ vẹ ọhẹriẹ epha, Ozighi vẹ uruemu ọbrabra a mrẹ vwẹ etiyin.”—Jems 3:16.
11 Ẹguọnọ vẹ uruemu esiri da hẹ evun rẹ ubiudu rẹ avwanre, a rha cha sa rioma kpahen ihwo efa-a. Baibol na da ta: “Ẹguọnọ vwo odiri kugbe aruẹdọ; ẹguọnọ rioma-a.” (1 Kọr. 13:4) A sa vwọ kẹnoma kẹ omaẹriọ, ofori nẹ avwanre vwẹ ẹro rẹ Jihova vwo nẹ emu, ji vwo no. Avwanre ejobi rehẹ evun rẹ ukoko na, ugboma ọvuọvo. Avwanre da vwẹ ẹro tiọyena vwo ni ohwohwo vwevunrẹ ukoko na, ke se nene uchebro rẹ Baibol nana: “E de mu ọghọ kẹ [ẹbẹre] ọvo, [ugboma na] ejobi ke ghọghọ kugbe.” (1 Kọr. 12:16-18, 26) Ọtiọyena, ukperẹ avwanre vwọ rioma kpahen ẹyan obaro rẹ iniọvo rẹ avwanre, kẹ avwanre nene ayen ghọghọ. Karophiyọ ọmọ rẹ Ovie Sọl, re se Jonatan. Ọ rioma ọke ra vwọ vwẹ Devid mu nẹ ọyen cha dia ovie-e. Ukperẹ ọtiọyen, o de phiuduphiyọ awọ rẹ Devid. (1 Sam. 23:16-18) Avwanre sa vwẹrokere Jonatan vwo dje ẹguọnọ vẹ uruemu esiri phia.
CHỌN ORUA WẸN UKO VWO VWO OSA NA
12. Uchebro rẹ Baibol vọ yen cha chọn avwanre uko vwo vwo osa na?
12 Ufuoma vẹ omavwerhovwẹn cha dia evun rẹ Orua na siẹrẹ ihwo eje de se nene irhi rẹ Baibol na, ọyena je sa chọn ayen uko vwo vwo osa na. Uchebro Kọl. 3:18-21) Aphro herọ-ọ, uchebro rẹ Pọl na ji se fi erere kẹ eshare, eya, kugbe emọ nonẹna.
vọ yen Pọl vwọ kẹ orua na eje vwẹ ukoko rẹ Kọlose? Ọ da ta: “Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo. Eshare ri vwo eya ovwan guọnọ eya rẹ ovwan [we] djaoma ku aye-en. Ovwan emọ, we mu ọghọ kẹ esẹ vẹ ini rẹ ovwan, fikiridie ọtiọna ri je Ọrovwohwo. Ovwan esẹ, we ru emọ rẹ ovwan emu ọdada-a, ophu de rhe mu ayen.” (13. Mavọ yen oniọvo aye se vwo ku ọshare rọyen rhẹriẹ?
13 Ọkiọvo, ọ sa dianẹ wẹwẹ oniọvo aye rẹ ọshare rọyen hẹ evun rẹ ukoko na-a. Ọ da dia ọtiọyen, die yen wo che ru siẹrẹ wo de roro nẹ ọshare wẹn vwo iruemu evo ri ghwe shephiyọ-ọ? Wo che nene kunu? Ọ da tobọ dobọ rẹ orharhe iruemu na ji fikirẹ unuẹkọ wẹn, wo rorori nẹ ọyena sa nẹrhẹ o kurhẹriẹ rhe ukoko na? Kakaka. Ẹkẹvuọvo, wo de muọghọ kẹ ẹdia rọ hepha kerẹ ọgbuyovwin rẹ orua na, ku wo se toroba ufuoma vwevunrẹ orua na. Vwọba, uruemu wẹn na cha ghwa ujiri rhe Jihova, ọ sa tobọ ku ọshare wẹn rhẹriẹ rhe ukoko na; ukuotọ rọyen, orua wẹn mi rhi vwo osa na.—Se 1 Pita 3:1, 2.
14. Die yen ofori nẹ ọshare ru, siẹrẹ aye rọyen rọhẹ ukoko na-a, de vwo uruemu rẹ jẹ ọghọ evwo?
Ẹfe. 5:23) Kerẹ ọgbuyovwin rẹ ukoko na, Jesu suẹn ukoko na vwọrẹ ẹguọnọ vẹ odirin. (Luk 9:46-48) Ọshare se ku aye rọyen rhẹriẹ, siẹrẹ ọ da vwẹrokere Jesu.
14 Ọ sa dianẹ wẹwẹ oniọvo ọshare rẹ aye rọyen hẹ evun rẹ ukoko na-a. Ọ da dia ọtiọyen, die yen wo che ru siẹrẹ wo de no nẹ aye wẹn muọghọ kẹ wẹ-ẹ? O che muọghọ kẹ wẹ siẹrẹ wọ da van kuo ji dje ẹgba wẹn phia kerẹ ọgbuyovwin rẹ orua na? Ẹjo, kakaka! Ọghẹnẹ guọnọre nẹ wọ vwẹrokere Jesu, rere vwọ dia ọgbuyovwin ro vwo ẹguọnọ. (15. Mavọ yen Onenikristi ọshare se vwo dje ẹguọnọ kẹ aye rọyen?
15 Jihova da ta kẹ eshare: “Ovwan guọnọ eya rẹ [ovwan,] ovwan djaoma ku aye-en.” (Kọl. 3:19) Ọshare ro vwo ẹguọnọ nabọ brọghọ phiyọ aye rọyen oma; ọ nabọ kerhọ kẹ, ji dje ọdavwaro phia kpahen iroroẹjẹ rọyen. (1 Pita 3:7) Dede nẹ ọ dia ọkeneje yen o che vwo ru oborẹ aye rọyen guọnọre-e, jẹ ọ cha nabọ kerhọ kẹ, rere orhiẹn ro che bru na se vwo shephiyọ kẹ ayen ihwo ivẹ na. (Isẹ 15:22) Ọshare ro vwo ẹguọnọ, nokpẹn rẹ ọghọ mie aye rọye-en; uruemu rọyen yen nẹrhẹ ọ lọhọ kẹ aye na, ro vwo muọghọ kẹ. Siẹrẹ ọshare de dje ẹguọnọ kẹ aye vẹ emọ rọyen, orua rọyen kọ sa ga Jihova vwọrẹ omavwerhovwẹn, ji vwo osa na.
Die yen ofori nẹ e ru, siẹrẹ a rha guọnọ nẹ ebẹnbẹn rẹ orua djẹ avwanre osa na ẹreyọ-ọ? (Ni ẹkoreta 13-15)
IGHENE—WE JẸ EMU VUỌVO DJẸ OVWAN OSA NA ẸREYỌ-O!
16, 17. Kerẹ eghene, die yen cha nẹrhẹ ivun rẹ ọsẹ vẹ oni wẹn ju we emiovwo?
16 Wọ da dia eghene, wo se roro nẹ ọsẹ vẹ oni wẹn vwo ẹruọ wẹ-ẹn, ayen rhọnvwa kẹ wẹ uphẹ-ẹn. Ofu se dje we te ẹdia wo vwo vwo ẹwẹn ivivẹ sẹ wọ je guọnọ ga Jihova. Ẹkẹvuọvo, wọ da dobọ rẹ ẹga rẹ Jihova ji fikirẹ ofudjevwe, ku wọ cha mrẹvughe nẹ, o vwo ohwo vuọvo vwẹ akpọ na ro vwo ẹguọnọ wẹn te ọsẹ vẹ oni wẹn, kugbe iniọvo rẹ ukoko na-a.
17 Di roro: Siẹrẹ ọsẹ vẹ oni wẹn da vwẹ uphẹn kẹ wẹ nẹ wo ru kemu kemu ro je we, wọ sa ghene rhọnvwe nẹ ayen vwo ẹguọnọ wẹn? (Hib. 12:8) Ọkiọvo, ọ sa dianẹ idjerhe rẹ ọsẹ vẹ oni wẹn ghwọ ku we wan yen nẹrhẹ ivun miovwo uwe. Jẹ, ukperẹ wo vwo brenu kpahen obo ra vwẹ oghwọku na phia wan, roro kpahen oboresorọ a vwọ ghwọ ku we. Wo jẹ ophu rẹ obo re ru we na da wẹ-ẹ. Baibol na da ta: “Ohwo ro rhurhu ota ba unu [yen] vwo erianriẹn, ọ ro vwo ẹwẹn ofuefu ọyen ohwo ro vwo ẹruọ.” (Isẹ 17:27) Davwẹngba vwo djephia nẹ wẹwẹ ohwo ro tedje; ukperẹ wo vwo brenu, rhiabọreyọ uchebro na rere wọ mrẹ erere norhe. (Isẹ 1:8) Karophiyọ nẹ ọyen ebruphiyọ kẹ wẹ, wo vwo vwo ọsẹ vẹ oni re ga Jihova. O muẹro nẹ ayen guọnọ chọn wẹ uko vwo vwo osa na.
18. Diesorọ wọ vwọ guọnọ tẹnrovi osa na?
18 Avwanre rhẹrho rẹ okposa vwẹ obaro na, owenẹ ọ dia iphiẹrophiyọ re vwo kpo odjuvwu yẹrẹ ra vwọ dia otọrakpọ bẹdẹ bẹdẹ. Iphiẹrophiyọ rẹ avwanre muẹro, kidie Ọmemama na komobọ yen vuve na. Vwọ kpahen Iparadaisi na, Ọghẹnẹ da ta: “Akpọ na cha vọn vẹ erianriẹn rẹ Ọrovwohwo.” (Aiz. 11:9) Ọke yena, ihwo eje ke cha dia ihwo rẹ Jihova yonori. Osa yena ghini fo obo ra wian kẹ. Ọtiọyena, gba tẹnrovi oborẹ Jihova veri na, wo jẹ emu vuọvo djẹ wẹ osa na ẹreyọ-ọ!