UWEVWIN ORHẸRẸ—Ọ RE YONO September 2017
Uwevwin Orhẹrẹ nana vwo iyovwinreta re che yono vwẹ October 23 fiẹ November 26, 2017.
Vwo Uruemu rẹ Omaẹriẹnsuon
Mavọ yen udje sansan rehẹ Baibol na sa chọn avwanre uko vwo dje uruemu rẹ omaẹriẹnsuon phia? Diesorọ avwanre vwọ guọnọ uruemu rẹ omaẹriẹnsuon?
Vwẹrokere Arodọvwẹ rẹ Jihova
Ọghẹnẹ vwo dje oma rọyen kẹ Mosis, ọ da vwẹ odẹ vẹ iruemu rọyen phia kẹ. Arodọvwẹ ọyen ọvo usun rẹ iruemu ro ke djunute. Die yen uruemu nana, diesorọ o vwo fo nẹ e vwo?
IKUEGBE RẸ AKPEYEREN
Oma Vwerhen Ovwẹ nẹ Mẹ vẹ Iniọvo ri Fuevun Wianre
David Sinclair karophiyọ aghọghọ ro vwori ro vwo nene iniọvo buebun ri fuevun wian kugbe vwẹ Bẹtẹl rọhẹ Brooklyn vwẹ uvwre rẹ ẹgbukpe 61.
“Ota rẹ Ọghẹne rẹ Avwanre Mudia Bẹdẹ”
Baibol na te ẹgbukpe ujorin buebun re. Ihwo ri se Baibol na buẹnphiyọ kọke kọke, dede nẹ ihwo buebun vwọso efanfan rẹ Baibol na, usuon vẹ ephẹrẹ rẹ ẹkuotọ buebun ji wene vwẹ ọke sansan.
‘Ota rẹ Ọghẹnẹ Vọnre vẹ Ẹgba’
Ota rẹ Ọghẹnẹ vwẹ ukẹcha kẹ ihwo buebun vwo ru ewene vwẹ akpeyeren rayen. Die yen ofori nẹ e ru, rere Ota rẹ Oghẹnẹ se vwo wene akpeyeren rẹ avwanre?
“Gan Oma . . . Wo Ruo”
Diesorọ avwanre vwọ guọnọ uduefiogbere, kẹ mavọ yen e se vwo vwo?
