UWEVWIN ORHẸRẸ Ukeri 1 2018 | Baibol na Kpo Awanre Re?
BAIBOL NA KPO AWANRE RE?
Kidie nẹ evuẹ buebun vọn akpọ na nonẹna fikirẹ erọnvwọn sansan rẹ egbaerianriẹn ruru, ọnana nẹrhẹ Baibol na kpo awanre? Baibol na tare:
“Ọbe ọfuanfon na ejobi rẹ Ọghẹnẹ mu ihwo vwo si na, vọnre vẹ erere.”—2 Timoti 3:16.
Uwevwin Orhẹrẹ nana djerephia nẹ Baibol na sa vwẹ ukẹcha kẹ avwanre vwẹ kẹdia kẹdia rẹ akpeyeren.
Odjekẹ rẹ Baibol na je Ghanre Nonẹna?
Ọ vwọ dianẹ a mrẹ evuẹ kpokpọ vwẹ ọke nana, diesorọ a vwọ rhoma se Baibol na, ọbe re siri omarẹ ikpe 2,000 re wanre?
Iyono rẹ Baibol—Aghwanre ri Kpo Awanre-e
Ukpe rọ vwọ dia ọbe rẹ awanre, e mu iyono rẹ Baibol na kpahen iruemu re se vwo ruiruo ọkieje.
Kpo Awanre Gbanẹ Ọ Ka Obaro kẹ Ọke Rọyen?
Baibol na dia ọbe rẹ isayẹnsi-i, dedena obo rọ ta ota kpahen isayẹnsi che gbe we unu.
1 Ọ Nẹrhẹ A sa Kẹnoma kẹ Ebẹnbẹn
Roro kpahen oborẹ aghwanre rẹ Ọghẹnẹ vwẹ ukẹcha kẹ ihwo vwọ kẹnoma kẹ evo usun rẹ ebẹnbẹn re ma gan vwẹ akpeyeren.
2 Ọ Nẹrhẹ A sa Rhuẹrẹ Ebẹnbẹn Phiyọ
Baibol na kẹ avwanre aghwanre ra sa vwọ rhuẹrẹ ebẹnbẹn ri krotọ re phiyọ, kerẹ ẹnwan ọgangan, re vwo gbeghẹrẹ, kugbe ọruvwohwo.
3 Ọ Chọn Avwanre Uko Vwo Yerẹn Ghene Ebẹnbẹn
Kẹ ebẹnbẹn ra cha sa kẹnoma kẹ yẹrẹ rhuẹrẹ-ẹ vwo, kerẹ ọga rọ bẹn esivwo?
Baibol na vẹ Akpeyeren Wẹn Vwẹ Obaro Na
Ota rẹ Ọghẹnẹ sa vwẹ ukẹcha kẹ avwanre vwo phi ebẹnbẹn rẹ avwanre hirharokuẹ kẹdẹ kẹdẹ kparobọ. Ẹkẹvuọvo, Baibol na ru vrẹ ọtiọyen. O ji gburukpẹ phiyọ obaro na.
Die wo Rorori?
Roro kpahen oborẹ ihwo evo segbuyota vẹ oborẹ Baibol na ghini yono.
