Ọ da dia ẹjo, ọ sa dianẹ wo rhiẹromrẹ vwẹ idjerhe ọvo yẹrẹ ọfa re. Ọke buebun yen a vwọ mrẹ yẹrẹ nyo kpahen ihwo re vwo utuoma kpahen fikirẹ ẹkuotọ rẹ ayen nurhe yẹrẹ kidie nẹ ayen eshare ri duẹ eshare. Fikirẹ erọnvwọn nana re phia na, igọmẹti buebun ke vwẹ urhi muẹ rere ayen se vwo gboja kẹ ihwo ri ruẹ iruemu tiọyena.

Ihwo re vwo utuoma kpahen ji fobọ vwo utuoma kpahen ihwo efa. Ọke buebun ihwo re vwo utuoma kpahen vwo ẹwẹn rẹ orukeri, ọnana nẹrhẹ uruemu rẹ utuoma rhoma hẹrabọ phiyọ.

Ọkiọvo wọ rioja rẹ omaẹfẹnẹ, ehwẹjẹ, aroeyivwo yẹrẹ a djẹ uguegue mu we jovwore. Ẹkẹvuọvo, utuoma rhoma hẹrabọ phiyọ enẹna. Ọ fobọ nẹrhẹ ohwo vwo uruemu ra vwọ gba ohwo duẹ, kugbe ra vwọ dẹ ozighẹ.

Imagazini nana cha kpahenphiyọ enọ rehẹ obotọ na je nẹrhẹ a riẹn obo re se vwo phi utuoma kparobọ:

• Diesorọ utuoma vwọ vọn asan eje?

• Mavọ yen e se vwo phi utuoma kparobọ?

• O vwo ọke rẹ utuoma che vwo vwoba vwẹ akpọ na?