Ojẹ rẹ Owẹ Komobọ Cha Jẹ
Ojẹ rẹ avwanre cha jẹ vwọ kpahen obo ri yoma vẹ obo re chọre che djobọte akpeyeren rẹ avwanre vwẹ idjerhe rhuarho. Jihova Ọghẹnẹ riẹn ọyena. Ọnana yen sorọ ọ vwọ guọnọ nẹ avwanre yeren akpọ nene iwan rọyen.
Jihova guọnọre nẹ a riavwerhen rẹ akpọ rọ vọnre vẹ ufuoma kugbe omavwerhovwẹn.
“Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na. E ọ dianẹ kẹ wọ kerhọn rẹ irhi mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie.”—Aizaya 48:17, 18.
Kerẹ Ọmemama rẹ avwanre, Ọghẹnẹ riẹn idjerhe ro me yovwin rẹ avwanre che nene. Ọ guọnọre nẹ e nene odjekẹ rọyen fikirẹ erhuvwu rẹ avwanre. Avwanre de nene odjekẹ rẹ Ọghẹnẹ, e rhe che vwo ẹwẹn ivivẹ sẹ erhuvwu che norhe-e. Ọkieje kọyen a cha vwọ jẹ ojẹ rọ gbare, ojẹ rọ cha nẹrhẹ e vwo omavwerhovwẹn vẹ ufuoma.
Jihova vuẹ avwanre nẹ e ru obo re vrẹ ẹgba rẹ avwanre-e.
“Urhi nana mi ji kẹ ovwan nonẹ na gan kẹ ovwa-an, o ji sheri nọ-ọ.”—Urhi Rivẹ 30:11.
Ofori nẹ e ru ewene phiyọ iroro vẹ iruemu rẹ avwanre e se vwo nene iwan rẹ Ọghẹnẹ. Ẹkẹvuọvo, Jihova nokpẹn rẹ obo re vrẹ ẹgba rẹ avwanre mie avwanre-e. Kerẹ Ọmemama 1 Jọn 5:3.
rẹ avwanre, ọ riẹn oborẹ ẹgba rẹ avwanre muru. Avwanre vwo vughe Jihova phiyọ ye, ka cha mrẹ nẹ “irhi rọyen na dia oghwa ọhọhọhọ-ọ.”—Jihova veri nẹ ọ cha vwẹ ukẹcha kẹ ihwo ri brorhiẹn rẹ ayen vwo nene iwan rọyen.
“Mẹvwẹ, rẹ Ọrovwohwo Ọghẹnẹ wẹn, yọnrọn obọrhe wẹn; Mẹvwẹ re ta kẹ wẹ, Wọ djẹ oshọ-ọ Me sa cha wẹ uko.’ ”—Aizaya 41:13.
Avwanre se nene iwan rẹ Ọghẹnẹ ri shekpahen obo ri yoma vẹ obo re chọre, kidie ọ cha vwẹ ukẹcha kẹ avwanre vwo ru ọtiọyen. Ọ sa cha avwanre uko womarẹ Ota rọyen rọ dia Baibol na, rọ kẹ avwanre uchebro vẹ iphiẹrophiyọ.
Ihwo buebun vwẹ akpọ na rhe mrẹvughe re nẹ e vwo yerẹn vwo nene iwan ri Baibol na nẹrhẹ e yeren omamọ akpọ. Avwanre jiriro kẹ wẹ nẹ wo yono kpahen uchebro iyoyovwin efa rẹ Baibol na vwọphia. Wọ sa tonphiyọ vẹ ibroshọ ri Vwo Omavwerhovwẹn Bẹdẹ! re mu kpahen Baibol na, ọ herọ ọphẹ vwẹ jw.org/urh. O vwo iyono nana:
-
Mavọ Yen Baibol na sa Vwọ Chọn Wẹ Uko?
-
Baibol na Vọnre vẹ Iphiẹrophiyọ
-
Wọ Sa Vwẹroso Baibol Na?
Wọ vwọ fuẹrẹn Ota rẹ Ọghẹnẹ rọ dia Baibol na, kẹ wọ cha rhe mrẹ nẹ o kpo awanre-e; nẹ “a vwẹ ayen mu bẹdẹ bẹdẹ.” (Une rẹ Ejiro 111:8) E de nene iwan rẹ Ọghẹnẹ ri shekpahen obo ri yoma vẹ obo re chọre vwẹ Baibol na, ọnana yen idjerhe rẹ akpeyeren ro me yovwin. Ẹkẹvuọvo, Ọghẹnẹ cha gba avwanre ru ọtiọye-en. (Urhi Rivẹ 30:19, 20; Joshua 24:15) Ọyen ojẹ rẹ avwanre ohwo ọvuọvo cha jẹ.