“Jẹn Uvie Wẹn Rhe”—Ẹrhovwo rẹ Iduduru rẹ Ihwo Nẹ Kọke Kọke
Wọ nẹrhovwo nẹ e jẹ Uvie rẹ Ọghẹnẹ rhe jovwo re? Vwẹ ikpe buebun rhire na, yen iduduru rẹ ihwo vwọ nẹrhovwo nana “Jẹn uvie wẹn rhe.” Diesorọ ayen vwo dje ẹrhovwo nana ẹnẹnẹ? Kidie Jesu vuẹ idibo rọyen nẹ ayen nẹrhovwo kpahen Uvie rẹ Ọghẹnẹ.
Ẹsosuọ, idibo ri Jesu vwo ẹruọ rẹ erọnvwọn eje rẹ Jesu ta kpahen Uvie na-a. O vwo ọke ọvo rẹ ayen vwọ nọ: “Ọrovwohwo, ke wọ sa vwẹ uvie rẹ Izrẹl na rhivwi rhe vwẹ ọke nana?” Ọkiọvo o gbe ayen unu rẹ Jesu vwo jẹ ayen ẹvuẹ phiọngun kpahen ọke Uvie rẹ Ọghẹnẹ na cha vwọ rhe. (Iruo Rẹ Iyinkọn Na 1:6, 7) Ọnana ko mudiaphiyọ nẹ avwanre cha sa riẹn oborẹ Uvie rẹ Ọghẹnẹ mudiaphiyọ vẹ ọke rọ cha vwọ rhe-e? Ẹjo, kakaka!
Uwevwin Orhẹrẹ nana cha chọn wẹ uko vwọ mrẹ ẹkpahọnphiyọ rẹ enọ nana:
Diesorọ avwanre vwọ guọnọ Uvie rẹ Ọghẹnẹ?
Ono yen Ovie rẹ Uvie rẹ Ọghẹnẹ?
Ọke vọ yen Uvie rẹ Ọghẹnẹ che vwo sun akpọ na?
Die yen Uvie rẹ Ọghẹnẹ che ru?
Diesorọ o vwo fo nẹ e bicha Uvie rẹ Ọghẹnẹ asaọkiephana?
Die yen Uvie rẹ Ọghẹnẹ?
Wọ je sa Fuẹrẹn
ESSENTIAL BIBLE TEACHINGS
Die Yen Uvie rẹ Ọghẹnẹ?
Uvie rẹ Ọghẹnẹ yen Jesu me ghwoghwo kpahen, vwọ vrẹ kemu kemu eje. Vwẹ uvwre rẹ ikpe ujorin buebun rhire na yen idibo rọyen vwọ nẹrhovwo nẹ e jẹ Uvie yena rhe.
Ẹkpahọnphiyọ rẹ Enọ rẹ Baibol Na
Obo ra Nẹrhovwo Wan—Ẹrhovwo rẹ Ọrovwori na Yen me Yovwin?
Ẹrhovwo rẹ Ọsẹ Avwanre na ọvo yen Ọghẹnẹ rhiabọreyọ?
