Omarẹ ikpe 3,500 re wanre, Jihova da vuẹ ihwo re vwẹ ẹga kẹ oborẹ ayen che ru rere ayen se vwo yeren akpọ rẹ ofuvwegbe: “Mi phi arhọ vẹ ughwu, ebruba vẹ ekan phihọ obaro rẹ ovwan, vwẹ ọtiọye na jẹn arhọ, rere ovwan vẹ uvwiẹ rẹ ovwan mrasan rhọ.”—Urhi Rivẹ 30:19.

Rere ayen se vwo yeren uvi rẹ akpọ vwẹ obaro na, ofori nẹ ihwo yena jẹ ojẹ rọ gbare. Avwanre ji vwo ojẹ tiọyena nonẹna. Baibol na vuẹ avwanre obo re se vwo yeren akpọ rẹ ofuvwegbe vwẹ obaro: “Guọnọ Ọrovwohwo Ọghẹnẹ, kerhọ rẹ urhuru rọye.”—Urhi Rivẹ 30:20.

YONO BAIBOL NA: Re vwo vwo ẹguọnọ ri Jihova, ẹsosuọ ofori nẹ e yono kpahọn vwo nẹ Baibol na rhe. Wo vwo ruẹ ọtiọyen ye, ku wọ cha mrẹvughe nẹ ọyen Ọghẹnẹ ro vwo ẹguọnọ rọ je guọnọ erhuvwu wẹn, Ọ tare nẹ wọ nẹrhovwo rhe “kidie ọye re vwẹ ẹro te we.” (1 Pita 5:7) Baibol na veri nẹ wọ da davwẹngba vwo sikẹrẹ ko “si kẹre owẹ.”—Jems 4:8.

VWẸ OBO WO YONO VWO RUIRUO: Ra vwọ kerhọ rẹ Ọghẹnẹ mudiaphiyọ re vwo nene uchebro aghwanre rọyen rọhẹ Baibol na. Wo de ru ọtiọyen, “kọ nẹrhẹ idjerhe wen yovwi, ko ji yovwi kẹ wẹ.”—Joshua 1:8.