Une 153
Mavọ Yen Oma Ru We?
Danlodu:
-
Mavọ y’oma ru we
wo de ruiruo r’aghwoghwo,
Wọ da davwẹngba w’eje
vwo ghwoghwo vwọ k’ohwo?
Wo ru’ẹkẹn wẹn nure;
’Ghẹnẹ che ru’ẹkẹn rọyen.
Ọ nabọ riẹ’ihwo re ghe
ne guọnọ vw’ẹga kẹ.
(EKUO)
Ọ nẹrh’e vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdẹ bẹdẹ.
-
Mavọ y’oma ru we
ota wẹn de t’ubiudu
R’ohwo rọ nabọ guọnọ
vw’arhọ ri bẹvwẹdẹ?
Evo davwerhọ rẹ,
o vw’ihwo’efa ra je phiẹn.
Iruo r’aghwoghwo na k’a
vwanr’omavwerhovwẹn.
(EKUO)
Ọ nẹrh’e vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdẹ bẹdẹ.
-
Mavọ y’oma ru we
Ọghẹnẹ da chọnwuko,
Wọ da riẹn n’ọ kẹ w’iruo
r’avwanr’ejobi ruẹ?
Fiudugberi ghwoghwo,
je tota rọ vwerhoma,
Guọn’ihwo ri vw’ẹwẹn na;
oba na kẹrire.
(EKUO)
Ọ nẹrh’e vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdẹ bẹdẹ.
(Ji ni Iruo 13:48; 1 Tẹsa. 2:4; 1 Tim. 1:11.)
