1. Jihova, ohwo r’ẹguọnọ

E ja vwẹrovwokere.

E je vw’ẹguọnọ r’Ọghẹnẹ

V’irivẹ r’avwanr’eje.

E ja vw’uruemu vwo djephia

Ke che vw’omavwerhovwẹn.

E ja vwẹrokeri Jesu

Vwo dj’ẹguọnọ vwọ k’ihwo.

2. E de vw’ẹguọnọ r’Ọghẹnẹ

Ke che dj’ẹguọnọ k’ihwo.

E de she, kọ kpar’avwanre,

Ọ vw’ukẹcha k’avwanre.

Ẹguọnọ, o vw’akoechiro;

Ẹguọnọ, ọ rioma rẹ.

E de vw’ẹguọnọ r’iniọvo,

Ke che vw’omavwerhovwẹn.

3. Davwẹngba vwo si’ophu n’evun,

Wo ji si’ẹghwọ vwo n’evun.

Wo che yon’irhi r’Ọghẹnẹ,

Wọ da vwomakpotọ kẹ.

E je vw’ẹguọnọ r’Ọghẹnẹ

Kugb’irivẹ r’avwanre.

E de vw’ẹguọnọ r’ihw’efa,

Ja vwẹroker’Ọghẹnẹ.