1. Jihova, Ọsẹ r’avwanre,

Wo bruba vwọ k’avwanre.

Wẹ y’Ọghẹnẹ rọ pha fuanfon,

Iruo wẹn n’eje yoma.

Wo vw’ẹguọnọ v’arodọnvwẹ,

Dede n’avwanre ruẹ chọ.

Wo muwan r’ẹga r’avwanre,

Wẹ y’avwanr’eje cha ga.

2. Ihwo re vw’ẹga vwọ kẹ wẹ,

Nabọ vwẹroker’uwe.

Womar’iruemu ray’eje,

Kugb’iruo r’aghwoghwo na.

Uchebro wẹn v’ekpako na

Ji dj’uyoyovwin wẹn phia.

K’avwanre ẹw’ọfuanfon wẹn

Vwo dj’uruemu nana phia.

3. Biko j’avwanre dj’uruemu

R’uyoyovwin k’ihw’eje.

Ma rho k’iniọvo r’avwanre

Reh’evunr’akpọneje.

E je djephia vw’ukoko na,

Kugb’orua v’asan n’eje.

A cha mr’ebruba r’Ọghẹnẹ,

E de djephia ọkieje.