UNE 126
Rhẹrẹ, Mudia Gan, Gan Oma
-
1. Gba rhẹrẹ, wo ji mudia gan.
Muegbe wo vwo chirakon.
Yọnregan ji fiudugberi,
Ophikparobọ muẹro.
Nen’odjekẹ ri Jesu Kristi,
E j’avwanr’eje vwẹrovwọsuọ.
(EKUO)
E ja rhẹrẹ, nabọ mudia gan!
Yọnre gan re duvw’oba!
-
2. Gba rhẹrẹ, wọ nabọ kerhọ,
Je sẹro r’iroro wẹn.
Kerhọ r’odjekẹ ri Jesu
Womar’odib’ọfuevun.
Nen’uchebro r’ekpako vwọ phia,
Re sẹro r’igodẹ r’Ọghẹnẹ.
(EKUO)
E ja rhẹrẹ, nabọ mudia gan!
Yọnre gan re duvw’oba!
-
3. Gba rhẹrẹ, vw’oyerinkugbe
Vwo ruiruo r’aghwoghwo na.
Ivwighrẹn cha vwọsu’avwanre,
Je che ghwoghwo ri t’oba.
Je kuomakugbe jir’Ọghẹnẹ.
Ẹdẹ rode na sikẹri re!
(EKUO)
E ja rhẹrẹ, nabọ mudia gan!
Yọnre gan re duvw’oba!
(Ji ni Mat. 24:13; Hib. 13:7, 17; 1 Pita 5:8.)
