UNE 134
Emọ, Eyen Okẹ Ọghẹnẹ Vwọ kẹ Avwanre
(Une Rẹ Ejiro 127:3-5)
-
1. Ọshare v’aye da rọvwọn,
Ayen de ji vwi’ọmọ r’obọ rayen.
K’ayen cha vwẹrovwot’ọmọ na,
J’ọna di’oghwa ray’ọvo rẹ.
Jihova yen vw’ọmọ na k’ayen.
Ọyen vw’arhọ, Ọghẹnẹ r’ẹguọnọ.
Ọ rey’odjekẹ vwọ k’emiọvwọn,
Odjekẹ rọ vọnre v’aghwanre.
(EKUO)
Ọnan’okẹ rọ pha ghanghanre,
Ọy’Ọghẹnẹ phiy’obọ wẹn.
Yon’ọmọ wẹn Ota r’Ọghẹnẹ,
Ọ cha nẹrhọ mr’ebruphiyọ.
-
2. Obo ri Jihova tare,
E je nabọ di’evunr’ubiudu wẹn.
Vw’eta nana vwo yon’emọ wẹn,
Ọnan’iruo ra vwọ kẹ wẹ.
Gbe yon’ayen vwevunr’idjerhe,
Wo de sherhẹn kugb’ọke wo de vrẹn.
K’ayen cha vw’ubiudu ray’eje
Vwọ g’Ọghẹnẹ je mr’ebruphiyọ.
(EKUO)
Ọnan’okẹ rọ pha ghanghanre,
Ọy’Ọghẹnẹ phiy’obọ wẹn.
Yon’ọmọ wẹn Ota r’Ọghẹnẹ,
Ọ cha nẹrhọ mr’ebruphiyọ.
(Ji ni Urhi 6:6, 7; Ẹfe. 6:4; 1 Tim. 4:16.)
