1. Sera kugb’Ẹsta, Meri kugbi Rutu;

Enan’emam’eya re nabọ fuevun.

Ẹga r’Ọghẹnẹ yen ma rho vwọ k’ayen.

Avwanr’ejobi ri’edẹ r’eya nana.

O ji vw’efa ri vw’esegbuyota,

A ri’edẹ rayen rẹ, ayen ji mr’ebruba.

2. Uruemu’esiri, evu’ẹfuọn v’ẹguọnọ,

Enan’iruemu r’ihw’eje guọnọre,

Eya nana vw’iruemu nan’ejobi.

Iniọvo r’eya ji fuevun nonẹna.

Oma rayen nabọ vwerh’avwanre

Vw’ẹga ri Jihova, ja vwẹroker’ayen.

3. Eya v’emetẹ, ini kugb’eyauku,

We vw’omavwerhovwẹn vwo ruiruo r’ovwan.

’Vwan vwomakpotọ vwo n’otọ r’ẹwẹn rhe.

Vwẹrosu’Ọghẹnẹ we j’oshọ mu’ovwan rẹ.

Jihova cha nabọ vwẹrote we,

O che bruba kẹ wẹ v’arhọ ri bẹvwẹdẹ.