UNE 55
Ovwan Djoshọ Raye-en!
-
1. Vwan yanran re ghwoghw’Uvie na
Vwọ k’ihworakpọ n’eje.
Vwan djoshọ r’ivwighrẹn rẹ,
We ghwoghwo vwọ k’ihw’eje.
Gbe ghwoghwo ni Jesu suẹn re,
Ọ dj’Eshu rhi’akpọ na re.
O che mu’Eshu phiy’uwodi,
Oma ko che fu’ihw’eje.
(EKUO)
Emọ mẹ, Ovwan djoshọ rẹ,
Dede n’ayen vwọsu’ovwan.
Me cha sẹro r’idibo mẹ,
Me cha vwẹrovwot’ayen.
-
2. Ivwighrẹn na de bun dede,
Wọ je djoshọ rayen rẹ,
Ayen da je vwọsu’ovwan,
Je rey’ovwan vwọ jehwẹ.
Idibo mẹ, we mudia gan,
Omukpahen je cha rhe.
Me cha vwẹrovwot’ihwo mẹ,
Ayen che phikparobọ.
(EKUO)
Emọ mẹ, Ovwan djoshọ rẹ,
Dede n’ayen vwọsu’ovwan.
Me cha sẹro r’idibo mẹ,
Me cha vwẹrovwot’ayen.
-
3. Me cha karophiy’iruo wẹn,
Mẹ y’ẹgba v’ekpọfia wẹn.
Ayen da tobọ hwe we,
Ihwo ri ghwuru che vrẹn.
Wọ djoshọ r’ihworakpọ rẹ,
E cha sa kẹ w’arhọ rẹ.
Wọ da sẹro r’ọyọnregan,
Ku wo vw’arhọ ri bẹdẹ!
(EKUO)
Emọ mẹ, Ovwan djoshọ rẹ,
Dede n’ayen vwọsu’ovwan.
Me cha sẹro r’idibo mẹ,
Me cha vwẹrovwot’ayen.
(Ji ni Urhi 32:10; Neh. 4:14; Une 59:1; 83:2, 3.)
