UNE 58
Guọnọ Igbeyan rẹ Ufuoma
(Luk 10:6)
-
1. Jesu vu’avwanre ne ghwoghwota na.
O ghwoghwota ri Jihova,
Vw’ọke r’uvo kugb’ọke’osio.
Ọ nabọ guọn’idibo r’Ọghẹnẹ.
Vwo n’urhiọke re t’ovwọnvwọn
vw’ẹkuotọ n’eje.
Avwanre ghwoghwota k’ihwo
Vwo n’uwevwin vwo kp’uwevwin,
N’Ọghẹnẹ che si’ebẹnbẹn r’akpọ na no.
(EKUO)
Vw’akpọneje,
E ja guọn’igbeyan r’ufuoma,
Guọn’ihw’eje
Ri vw’ubiudu v’ẹwẹn r’usivwin,
Ghwoghwota na
K’ihw’ejobi.
-
2. Ọke herọ rẹ, e je brokpakpa.
Ihwo buebun guọn’usivwin,
Ja davwẹngba vwo sivw’ihwo.
Ẹguọnọ yen mu’avwanre vwo ghwoghwo.
Ja vw’ukẹcha vwọ k’ihw’eje
r’ofu r’akpọ dje.
Avwanre hi’ẹkuotọ n’eje,
Ohwo da kerhọ r’avwanre,
Oma nabọ vwerh’avwanre ọkieje.
(EKUO)
Vw’akpọneje,
E ja guọn’igbeyan r’ufuoma,
Guọn’ihw’eje
Ri vw’ubiudu v’ẹwẹn r’usivwin,
Ghwoghwota na
K’ihw’ejobi.
(Ji ni Aiz. 52:7; Mat. 28:19, 20; Luk 8:1; Rom 10:10.)
