1. Yan phiaro, yan phiaro, yerin vwo tedje!

Gbe j’urhukpẹ wẹn lo vwọ k’ihworakpọ n’eje.

Davwẹngba vwevunr’iruo r’aghwoghwo na,

Je vwẹrovwọsu’Ọghẹnẹ.

Jesu yin vw’iruo na k’avwanre,

Ọ je nabọ vwobọ vw’iruo na.

Gba vwẹrosu’Ọghẹnẹ no che bicha wẹ.

Davwẹngba vwọ yọnre gan.

2. Yan phiaro, yan phiaro, ji fiudugberi!

Ghwoghwota r’Ọghẹnẹ vwọ k’ihwo r’akpọneje.

Vw’ujiri k’Ọghẹnẹ, Ovie r’avwanre,

Wo vwo ruiruo rọyen na.

Ivwighrẹn de mu kpah’avwanre,

A cha je yanran ra vu’ihwo na.

Gbe je ghwoghwo n’Uvie na sikẹri re,

Vw’uyota na yon’ihwo.

 3. Yan phiaro, yan phiaro, re yon’ihwo na,

Ru’ona r’uyono wẹn,

o se vwo yovwinphiyọ.

Ẹw’ọfuanfon na cha vw’ukẹcha kẹ wẹ.

Wọ cha mr’omavwerhovwẹn.

Vw’ẹguọnọ r’ihwo wo yono na

Ji rhivwin br’ayen ra ọkieje.

A da vw’ukẹcha k’ayen vwọ g’Ọghẹnẹ,

K’ayen je cha yọnre gan.