UNE 7
Jihova, Ọyehẹ Ogangan rẹ Avwanre
(Aizaya 12:2)
-
1. Jihov’Ọghẹnẹ, Ọromevwẹgba,
Wẹ yen vw’ẹgba v’ogangan k’avwanre.
Avwanre che ruiruo r’aghwoghwo na,
Dede n’ihw’evo cha vwọsu’avwanre.
(EKUO)
Jihov’Ọghẹnẹ, Wẹwẹ y’Oragha.
Je ghwoghw’odẹ wẹn t’ason t’uvo.
Jihov’Ọghẹnẹ, Ọromevwẹgba,
Wẹw’ọvo y’avwanre cha vwẹroso.
-
2. Oma nabọ vwerh’avwanr’ejobi,
R’avwanre vwọ mr’ukoko wẹn vughe.
Obo wọ tar’ejobi che rugba,
Avwanre cha vw’ẹga kẹ wẹ bẹdẹ.
(EKUO)
Jihov’Ọghẹnẹ, Wẹwẹ y’Oragha.
Je ghwoghw’odẹ wẹn t’ason t’uvo.
Jihov’Ọghẹnẹ, Ọromevwẹgba,
Wẹw’ọvo y’avwanre cha vwẹroso.
-
3. Avwanre che ru’ọhọre wẹn bẹdẹ.
Dede n’Eshu tobọ vwọsu’avwanre,
Wẹwẹ y’avwanre je vwẹrovwọso.
Biko ch’avwanr’uko vwọ yọnre gan.
(EKUO)
Jihov’Ọghẹnẹ, Wẹwẹ y’Oragha.
Je ghwoghw’odẹ wẹn t’ason t’uvo.
Jihov’Ọghẹnẹ, Ọromevwẹgba,
Wẹw’ọvo y’avwanre cha vwẹroso.
(Ji ni 2 Sam. 22:3; Une 18:2; Aiz. 43:12.)
