UNE 74
So Une rẹ Uvie Na!
(Une Rẹ Ejiro 98:1)
-
1. Ọnan’une, une r’ophikparobọ;
Ọ vw’ejiro k’Ọromevwẹgba na.
Eta rọyen vọnre v’iphiẹrophiyọ.
Je kuomagbe vwọ sune r’Uvie na:
(EKUO)
‘Rhe g’Ọghẹnẹ Vw’urinrin kẹ.
Jesu Ovie; Ghwoghwo k’ihwo!
Yon’une na, ọnan’une r’Uvie na.
Rhe g’Ọghẹnẹ, je jir’odẹ rọyen.’
-
2. Ja vw’une na vwo ghwoghw’Uvie r’Ọghẹnẹ.
Jesu Kristi che su’akpọ n’ejobi.
A je mraro n’ihw’evo che nene sun.
Ihwo nana; e ra jẹreyọ na:
(EKUO)
‘Rhe g’Ọghẹnẹ Vw’urinrin kẹ.
Jesu Ovie; Ghwoghwo k’ihwo!
Yon’une na, ọnan’une r’Uvie na.
Rhe g’Ọghẹnẹ, je jir’odẹ rọyen.’
-
3. Une nana, ihwo sa nabọ riẹn so.
Ovuẹ rọyen k’ohw’omavwerhovwẹn.
Vw’akpọneje, ihwo buebun sune na,
K’ayen s’ihwo ne rhe vwomab’ayen:
(EKUO)
‘Rhe g’Ọghẹnẹ Vw’urinrin kẹ.
Jesu Ovie; Ghwoghwo k’ihwo!
Yon’une na, ọnan’une r’Uvie na.
Rhe g’Ọghẹnẹ, je jir’odẹ rọyen.’
(Ji ni Une 95:6; 1 Pita 2:9, 10; Ẹvwọ. 12:10.)
