UNE 76
Mavọ Yen Oma Ru We?
-
1. Mavọ y’oma ru we
wo de ruiruo r’aghwoghwo,
Wọ da davwẹngba w’eje
vwo ghwoghwota k’ohwo?
Wo ru’ẹkẹn wẹn nure;
’Ghẹnẹ che ru’ẹkẹn rọyen.
Ọ nabọ vugh’ihw’eje
re guọnọ vw’ẹga kẹ.
(EKUO)
Ọ nẹrhe vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdi bẹdẹ.
-
2. Mavọ y’oma ru we
ota wẹn de t’ubiudu
R’ohwo rọ ghene guọnọ
vw’arhọ ri bẹvwẹdẹ?
Evo davwerhọ rẹ,
o vw’ihw’efa ra je phiẹn.
Avwanre je mr’aghọghọ
vw’iruo r’aghwoghwo na.
(EKUO)
Ọ nẹrhe vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdi bẹdẹ.
-
3. Mavọ y’oma ru we
Ọghẹnẹ da chọnwuko,
Wọ sa vwọ nabọ ruiruo
r’avwanr’ejobi ruẹ?
Fiudugberi ghwoghwo,
je tota rọ vwerhoma,
Guọn’ihwo ri vw’ẹwẹn na;
oba na kẹrire.
(EKUO)
Ọ nẹrhe vw’omavwerhovwẹn,
a da vw’omakpahotọ kẹ.
E j’avwanre vw’ujiri kẹ
rhirin bẹdi bẹdẹ.
(Ji ni Iruo 13:48; 1 Tẹsa. 2:4; 1 Tim. 1:11.)
