1. Je phiuduphiyawọ r’ohwohwo

Vwọ gi Jihova ọkieje,

Ẹguọnọ r’avwanre kọ cha gan,

Ke che ji vw’oyerinkugbe.

Ẹguọnọ r’idibo r’Ọghẹnẹ

Ch’avwanr’uko vwo chirakon,

Ukoko r’avwanre y’adjarhọ

Rọ vw’ufuoma vwọ k’avwanre.

2. Ota ra ta vw’ọke ro fori,

Ọ nẹrh’ubiudu r’ohwo gan.

E ny’eta r’ọbọngan tiọyena

Vw’unu r’iniọvo r’avwanre.

Mavọ y’ọnana vwerh’oma te,

A v’iniọvo vwọ ga kugbe!

Ja davwẹngba vwọ b’ohwohwo gan,

Vw’ukẹcha vwọ k’iniọvo na.

3. Ẹdẹ rode na sikẹri re,

Ẹdẹ rode ri Jihova.

E je siomakoko ọkieje,

Ra vwọ sẹro r’ọyọnregan.

J’avwanre v’idibo r’Ọghẹnẹ,

Kuomakugbe vwọ ga bẹdẹ.

Je phiuduphiyawọ r’ohwohwo

Vwọ gi Jihova bẹvwẹdẹ.