UNE 95
Urhukpẹ na Lo Ganphiyọ
(Isẹ 4:18)
-
1. Emraro r’Ọghẹnẹ guọnọ riẹn Kristi,
Ọ rọ nẹrhe vw’iphiẹrophiyọ.
Ọghẹnẹ tare ni Mesaya cha rhe,
Kọ cha vw’usivwin vwọ k’avwanre.
Ọke na tere, Mesaya na suẹn re,
Avwanre mr’ọnana vughe.
Aghọghọ rode ra vwọ ri’emu nana,
R’emekashe na je guọnọ riẹn!
(EKUO)
Idjerhe r’avwanre lo phiyọ,
Avwanre yan vw’urhukpẹ na.
Jihov’Ọghẹnẹ yin su’avwanre
Vw’idjerhe r’uyota rọyen.
-
2. Jesu Kristi vw’odibo r’ọfuevun mu,
Rọ vw’emu k’avwanre ọkieje.
Urhukpẹ r’uyota ko lo ganphiyọ,
Ro se vwo t’ubiudu r’avwanre.
Avwanre cha yan vwevunr’urhukpẹ na,
Ka cha di’ugbeyan r’Ọghẹnẹ.
J’akpẹvwi Jihova vwọ k’urhukpẹ na,
E ja yan nen’idjerhe rọyen.
(EKUO)
Idjerhe r’avwanre lo phiyọ,
Avwanre yan vw’urhukpẹ na.
Jihov’Ọghẹnẹ yin su’avwanre
Vw’idjerhe r’uyota rọyen.
(Ji ni Rom 8:22; 1 Kọr. 2:10; 1 Pita 1:12.)
